تخيل الجامعة بعد أن حكمها البلطجية

كانت الساعة تقترب من الثامنه صباحا عندما هتفت فيه أمى: ياللا بسرعة شوية يابنى أنته كده هتتأخر على الأمتحان-أجبت حاضر أهو يااما بس بحضر الأدوات بس-أوعى تنسى المطوى يابنى-لا ماتخافيش ياماما حطتها-طب وسنجتك وموسك أمنت عليهم-أيوه كله تمام..بس أنتى أوعى تكونى نسيتى تسنيلى التلت-لا ماتقلقش أنا خليت الراجل يحميه....بس أنته يابنى شد حيلك وجاوب كويس السنه دى آخر سنه وعايزين ربنا يكرمك****************************كنت جالس بجوار زميلى فى اللجنة قبل الأمتحان عندما سألنى :بتذاكر من مذكرات أيه-أنا بذاكر من مذكرات قطعنى يامعلم-يخربيتك هو أنته ماكنتش بتاخد كورس عند الأستاذ الدكتور البلطجى خميس برشامة-ياعم خميس برشامه ده غالى أوى وبعدين ده بياخد الشهر بتاعه هيروين ..أنا هجيبهوله منين....أنا ياعم أبويا موظف حكومه ...ياعنى آخرى تربته حشيش ولا لفة بانجو-طب ماكده يابنى ممكن يستقصدك ويسقطك ده ممكن يغزك فى قلب اللجنه-أهو أنا ونصيبى بقىوهنا قطع حديثنا دخول الدكتور برشامة الذى دخل للجنة بعد أن أصطدم بالباب خمس مرات..يبدو أنه متقل حبتين:موساااااااااااااااااااااااااء الخيييييييييييير يامعلمين .......ظباحكو زفت إن شاء الله-أجبنا :ظباحك قطران ياأستاذ-الطالب اللى هقفشه بيحشش مع اللى جنبه ولا بيديله حقنه وربنا لكون كابب على وشه ميه نار ومشوهه...............هو أنتو عندوكوا أنتحان إيه أنهارده-عندنا بلطجة ياأستاذ-طب أنا جبتلكم معايه ورق أمتحان الأجرام بتاع بعد بكرة تقروا سؤال الأجرام وتجاوبوا من كتاب البلطجة-طب إزاى يا أستاذ-هو كده أنا دماغى مكلفه ومش عايز عكننه.. بدل ماتطيروا الحجرين اللى ضاربهمالسؤال الأول من القائل:أخدها فى وشى وموت أحسن ما أخدها فى ضهرى وأتعورالسؤال التانى علعل الفارق بين المطوة السسته والقرن غزالالسؤال التالت أذكر ماتعرفه عن الزعيم المصرى الكبير محمد الأحمرالسؤال الرابع أنا نسيت أحطه واللى مش هيجاوبه هسقط أهلهياللا..أرفع المطوة أنتهى الوقتأخذنا ننظر لبعضنا البعض فى دهشه وبرشامه يصرخ فى المراقبين يلموا الورق اللى هو ماوزعهوش أصلاكان الجميع يأمل أن يعدى فى العملى وأعمال السنه لكنى كنت واثق م السقوط لأنى لست مسجل وليس لى أى سابقه حتى ولو مشاجرة عشان تعدينى
*****
وشكرا لمن تخيل معنا واقعنا الأليم

15 comments:

walaa rizk said...

بجد هتبقى حاجه صعبه جدا لو دا حصل فى جامعتنا

هو بيحصل شبه من تحت الترابيزه

لما الامن يمشى كل حاجه فى الكليه حتى العميد
والله دا شئ فظيع

بس والله لسه فى امل فى الامه

الليل لابد ان ينجلى

اول مره ازو المدونه وان شاء الله تتكرر الزياره

بوست راااااااائع جدا

جمعاوى said...

جامده جدا ..أول ماقريتها على

جامعة أون لاين

كان نفسى أنشرها على مدونتى

جزاكم الله خيرا

ولا بنخاف said...

دي جامعتنا بقت في حكم البلاد المحتلة بقرار مجلس الداخلية وأمن النظام وبتنشيط عناصر البلطجة ومليشيات العنف داخل مقار أمن النظام

بقينا في حاجة إننا نقول كلنا بعلو صوتنا أننا يابشر ولا بنخاف

ولا بنخاف said...

أخويا وحبيبي الدينمو
أزيك ياباشا

أنا عرفت إن حضرتك كنت في زيارة لأخويا وأستاذي محمد مدني وإخوانه المعتقلين

ليه متنزلش موضوع عن الزيارة دي وتطمنا علي أخبار حبايبنا هناك

القاهرة - said...

ممتازة جدا جدا جدا
أدخل الله عليك السرور كما ادخلته علينا ايها الاخ الكريم دينامو
وأشهد الله انى احبك فيه يأسد
أخوك المناضل / أسامه جابر
صاحب مدونة سجين الحرية

حزيــــــــــــــــــن said...

لا اعرف ان كان كلامك ساخرا من وضع ام حقيقه صارخه
ام مسرحيه هزليه
لا حول ولا قوة الا بالله

الحلم العربي said...

معقول ممكن يوصل بينا الحال لكده؟؟
ربنا يستر على بلادنا و امتنا من البلطجة و البلطجية و اللى عايزينها توصل للدرجة دي

احييك على خيالك و لو انه مخيف

أحساس لسه حى ...أنا مش موافق said...

عزيزى

ليه نتخيل هو شئ مش خيالى

وطول عمر الجامعة فيها بلاوى فى كل شئ

سياسيا واخلاقيا

والواقع الاليم عيشينه مش متخيلينه

كل الناس عيشاه

تحياتى

سلام

_**( قلب الأسد )**_ said...

هههههههههههههههههههههههههههه
كلام متكلف فعلا ايه الحاوة دى متهيئلى لسة موصلناش للحال دة ولا ممكن نكون وصلنه مه احنا صحيح فى مصر

ابوزياد الفاتح said...

ايه ياعم ياسر
اخبارك يا باشا
ربنا يكرمك
فينك من زمان
محدش شايفك يعنى
اوعى يكونوا البلطجيه منعينك مننا ولا حاجه
يا سيدى
الجامعه بالفعل محكومه بالبلطجيه
وربنا يعدينا من البلد كلها على خير

إخوانى مخربش said...

ماشاء الله يادنموا
قاموسك الاجرامى عامر لاينضب

بس بجد تجيل مجرم



افتقدنا زيارتكم

eman alaa eldin said...

ليه كدة بس ؟
ما احنا لو تخيلنا حاجة كويسة وحاولنا اننا ننفذها ونحققها يبقى احسن ولا ايه ؟
"اى نعم التخيل دة يضجك اوى ومحدش يقدر يمسك نفسه امامه لكن خلينا متفائلين ..تفائل خيرا تجده"
وبعدين فين المواضيع الجديدة انا من بدر خالص دخلت المدونة نفس الموضوع عايزين نشوف الشغل النار يا استاذ ياسر..وربنا يوفقك

اختك ايمان

م/ عمرو الليثي said...

و ليه نتخيل و ده أساسا كلام حقيقي والله أنا كنت بعدي من بوابة الجامعةو ألاقي ثلاثة أربعة بلطجية واقفين و
معاهم عصي سوداء
مدونة رائعة و مستني زيارة منك في مدونتي
و السلام عليكم

تلميذة سلمان الفارسى said...

السلام عليكم ورحمة الله
أول زياره للمدونه لم اتصفح الا هذا
البوست
ولكنه اعجبنى كثيرا ووصف واقع حى فى الجامعه فمن يشرب البانجو ويفعل افعال البلطجيه لا ياخذ اهتمام عن الامن بقدر الاخوان وطلاب الاخوان
دمت بخير

Taweel ashawq said...

ربنا يكون بعونكم حتى لو الوضع ما وصل لهالدرجة (وإن شاء الله مايوصل) بس بجد حال الأمة يرثى لها والجامعة منظار بسيط للي بيصير برا الجامعة وقيس عليه

ربنا يغير حالنا ..وهذا طبعا بإدينا بمزيد من الصبر والالتزام والعمل والجهاد

ربنا يكرمك على الكلام الجميل المؤلم الي كتبته