لوجة الله ....إترك التدوين

طبعا وبكل إستغراب عايز تعرف ليه أترك التدوين ... ومن غير لف ولا دوران أنا أصدي أقولك ...شوف اللي حقولك عليه وبعدها سيب التدوين ... علي سبيل المثال ... - بتعد كام ساعه في اليوم علي النت ...وكام منهم ع التدوين إشي تتعليقات وبوستات والازي منه..وانت أكتر واحد عارف نفسك
.ايه بصراحه الحاجه العمليه(الملموسه)اللي إستفدتها من ساعه ما انت بدأت التدوين-
بالله عليك مش حاسس ان وقت التدوين ده كان ممكن تستفيد بحاجه أحسن(مع مراعاه فقه الأولويات).؟-
مش حطول عليكو لكن بالله عليكو ....(لا تنسونا)...!!؟
أخوكم دينامو الإخوان ..(واللهم ثبتنا علي طريق الدعوه)..وجزاكم الله خيرا

11 comments:

رفقة عمر said...

كل سنه وحضرك طيب
فعلا عند حضرتك حق
بس برضه التدوين احسن من اللى بيضيع وقته فى الشات
وحاجات تانيه مش كويسه

جمعاوى روش طحن said...

الأخ الكريم / ياسر

جزاكم الله خيرا بداية

ثانيا

حضرتك عاوز تترك التدوين ..براحتكده شىء يرجع لك

أما نصيحتك بإننا إحنا كمان نترك التدوين

نسيبه لمين بقى إن شاء الله ؟

للعلمانيين و الملحدين و اللادنيين و المثليين ؟

أظن غن بشوية ترتيب للوقت و تنظيم الموضوع ح يفرق كتيير


جزاكم الله خيرا

امام الجيل said...

السلام عليكم

ربنا يعينك ويرشدك لما فيه رضاه

وزى ما قلت فعلا هو فقه الاولويات
قد يكون عندك من الاولويات المتاخرة
وممكن بالنسبة للبعض الاخر من اولى الاولويات
ويكون طريق ليهم لينفذوا حاجات ويطبقوها ويتعلموا ويعلموا

ومكنش فيه طريق ارحب ليهم من التدوين

يبقى ان لكل منا تجربته الخاصة
ولكل واحد اختياره
اذا لقى بالفعل انه بيضيع وقته لازم يسيبه واذا لقى انه بيستثمر وقته فيدعو الناس اليه كمان

بالتوفيق
وكل سنة وانت بخير

مؤمنه said...

السلام عليكم ورحمة الله وبركاته
افهم من حضرتك انك هتسيب التدوين

انا ما اتشرفتش بزيارة مدونة حضرتك قبل كده لكن احسبها على خير وفى طريق الدعوه وان كانت لك طرق اخرى للدعوة الى الله خير من التدوين فانت بها ادرى وان كنت ترى ان التدوين يستهلك من وقت حضرتك اكثر مما يضيف له فانت ايضا ادرى وان كنت ترى ان التدوين يؤثر بالسلب على حياة حضرتك اكثر منه بالايجاب فانت ايضا لذلك ادرى منا
اما انا واتكلم عن نفسى فقد اضاف لى التدوين اشياء ايجابيه كثيره فى جميع شتى سلوكى فى وقت محدود لا احسبنى كنت استطيع ان اكتسب تلك المهارات من اماكن اخرى فى ذلك الوقت


راى حضرتك يدور فى عقل كلا منا وهو اننا نستهلك وقت كبير على النت من الممكن ان نجعله فى اشياء اخرى لكن هذه مشكله لها علاج وهو تنظيم الوقت كما ادعوك لتقرأ اخر بوست فى مدونة عالم حبيب
ولك الخيار
وجزاك الله كل خير على اهتمامك بتوصيل رأيك لنا
وسوف نتذكرك دوما ان شاء الله وندعو لشباب المسلمين كافه بالسداد
وكل عام وانت بخير والى الله اقرب وفى طاعته ادوم
ورمضان كريم عليك وعلينا
والسلام عليكم ورحمة الله وبركاته

أمــانــى said...

كل عام وحضرتك بخير ربنا يتقبل منكم الصيام والقيام وخير الاعمال ياااااااااارب آمــــــــين

fahd said...

لا شك ان التدوين بيساعد انه يكون بين الشباب الملتزم اللي عايز يطلع
بالبلد دي لقدام
وده أكيد هتظهر آثاره في المستقبل ..امبارح كان تجمع وعدده قليل ..وبعد كده زاد العدد وزادت قوة الكلمة ..وأصبح مجتمع التدوين بيحرك جزء لا بأس به من الرأي العام ....وبكره أكيد هيكون له ظهور في الشارع ...وبالتالي فالتدوين له أهمية كبيرة ..وانا مش ضد حضرتك في أنك تسيبه بل على العكس تماما ..انا شايف ان أولوياتك هى اللي بتحدد وتوجه ...مساحات وقتك وتنظمها صح...وجزاك الله خيرا

shayma said...

سلام الله عليكم ورحمته وبركاته

حقيقة هذه هى زيارتي الأولى لمدونتكم والتى أسأل الله عز وجل أن تكون ذخرا للإسلام والمسلمين...

لكن لي كلمة بسيطة أود أن أهمس بها سريعا
"كثيرا ما نشرع فى الخوض فى بعض الأفكار الجديدة..فى البداية نظنها مفيدة ومثمرة,لكن بمرور الوقت ويوما بعد يوم نشعر بأنها تقل فى الأهمية وتزيد فى الوقت والمنفعه تقل أكثر وأكثر
وقد مررنا بمثل هذه الظروف كثيرا وكان الحل الوحيد الذى قمنا به هو( الهروب)
فكلما واجهتنا مشكلة حللناها بهذه البساطة
لذلك كلمتى لكم(عندما تروا فى شئ من الأشياء التى تزاولونها تقصيرا او اهتماما زائدا فاجلس مع نفسك ورتب أولوياتك كما قلت..لكن لا تحذف هذا العمل من أولوياتك..إنما ضعه آخرا واضبط نفسك على النظام..أخبر نفسك هى نصف ساعة للمدونة..اذن هى نصف ساعة..فقد تعتقد بأن كلماتك ليست مؤثرة..لكنها قد تكون تلاقت مع أوتار قلب يبحث عن حقيقة"
ولكل رأيه
نسأل الله أن يعينكم

Anonymous said...

الحمد لله ان مجتمع التدوين ارتاح منك .. عقبال منرتاح من كل امثالك قادر يا كريم

توقيع

الملحد النصرانى الشاذ عميل الامريكان سخطهم الله

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

هاني جابر said...

دعوة لصيام يومي الأثنين 24/11 - 1/12 والدعاء لإخواننا في غزة والتبرع بثمن وجبة الافطار لأهالينا في غزة
والي عايز يشارك يسجل معانا في حملتنا بوضع البانر في مدونته والمشاركة في الجروب ويدعو الناس كلها للمشاركة معانا
هدفنا 1.000.000 مسلم يدعو ويتبرع لاخواننا الرقم سهل ونقدر نحققه بس عايز تعاون وجدية
والي ميقدرش يصوم يوم يصوم التاني بس لازم نصوم من اجل اخواننا في غزة

البانر علي المدونة


www.bahebalhorea.blogspot.com


http://www.facebook.com/group.php?gid=37720052122

شهاب الأزهر said...

طالت الغيبة !!