ده في جوايز يا جدعان

السلام عليكم ورحمه الله وبركاته..إزيكم وإن شاء الله تكونوابخير ..وإن شاء الله تكونوا بتستفيدوا من رمضان واللهم تقبل منا صالح الأعمال..وبفكركم بردوه إن فيه جوايز جامده وحتعجبوا إن شاء الله وحتوصل لحد بيوتكم بالطرود إن شاء الله ..إلا لو كان الفائز من إسكندريه فأنا حرحلوا بنفسي ويارب يكون من إسكندريه عشان يوفر تمن الطرد..وعلي العموم اللي لسه منتظمين في الحل وإجاباتهم صحيحه لحد دلوقتي هم تلاته..الأخت زمرده..والأخت نور..وما علينا. وفي غيرهم بس لحد دلوقتي هم دول المتقدمين وعلي فكره الفوازير اللي فاتت لسه ممكن تجاوبوا عليها وخدوا بالكو إن أول فزوره حتتشال كمان تلات ايام ويارب تلحأوا..!!؟
الفقره الأولي...يلا نحسن أخلاقنا...!؟؟
يا أول عشره من رمضـان
تـقـدم مـعـنـي للإنـســـــان
خلق مطلوب ما بين بعضنا
كمان مطلوب مع الحيـــوان
وبيه البركه م الســمــــوات
تحــل عـلـيـنا بـالبـركــــات
ولــــو مـــيـــن مــات ..!؟
بـنــطــلــبهاله م المنـــــــان
الفقره الثانيه...من هو.!؟
قرب وشوف طلعته واسمع كلامه العزب
أول سفير... دولته..دين السلام والحرب
حامل لواءه في أحد بكفوفــه والدراعيــــن
يتحدي سيف العدو رغم الجراح والضرب
دي الـرايــه روحــه ولــو بـإيديه لغيرسها
بعد ما يحفر لها جوه في صمـــام الـقـلــب
مع تحيات
الشاعر/وليد الرفشي
ياسر مدني

17 comments:

نـــــــور said...

ربنا يكرمك ويجعله في ميزان الحسنات ان شا ءالله

الخلق الرحمة

الصحابي مصعب بن عمير

إن شاء الله

ا بـن عــمــر said...

جزاكم الله خيرا
علي الاسلوب الجميل ده
احب اشارك
رغم انى لااحب الفوازير
أوله رحمه
يعني الخلق (الحمه)
اما صاحب اللواء هو سيدى وحبيبى
مصعب ابن عمير
لا انسى
انه اشبه الناس برسول الله
ومثله كجعفر ابن أبى طالب
صاحب لواء مؤته

ا بـن عــمــر said...

اللهم اجعلنى وقارئ هذه الرساله
ممن رحمتهم في هذا العشر

Marwa said...

شغل حلو
بس بقى والنبي ابقى اختار الاسئله السهله علشان انا مش عارفه اجاوب اي سؤال
انا كان ممكن اغش من اناس اللي حالين فوق
بس قلت لاء حرام دا احنا في شهر كريم

دعوة الفردوس said...

الخلق



الرحمة


الصحابي

مصعب بن عمير

زمردة said...

السلام عليكم ورحمة الله وبركاته
الخلق الرحمة
الصحابي مصعب بن عمير
وجيت متاخرة خالص كالعادة
:(

قلب أبيــض said...

السلام عليكم اخانا
اولا جزيت خيرا اخوما الكريم
ثانيا
انا جاوبت على الفوازير جميعها
ثالثا
استأذن منك بانى انقل الفوازير الى منتدى الصوت الحر لاخوان المنصورة لتعم الفائدة
ونثاب عليه جميعا
رابعا
الاجابة طبعا
الخلق
هو ارحمة
الصحابى
سيدنا مصعب بن عمير
جزيت خيرا اخانا الكربم

الباحث عن الحقيقة said...

السلام عليكم ورحمة الله وبركاته
ما شاء الله عمل عظيم فعلا ربنا يجعله فى ميزان حسناتك
الاجابه
الخلق : الرحمه
الصحابى: مصعب بن عمير

Anonymous said...

السلام عليكم
الخلق هو الرحمه والصحابى هوسيدنا مصعب بن عمير

Anonymous said...

جزاكم الله خيرا على هذه الفوازير واتمنى ان اسمع صوتك عن قريب
الخلق هو الرحمه والصحابى هوسيدنا مصعب بن عمير
qenawyاخوك

حسن مشالي said...

كل عام وانت والأمة بخير

جزاك الله خيرا
هذا شئ محمود

ولكن عذرا لعدم المشاركة
رغم انى ملم بكثير من الاجابات
لاسبابى الخاصة

وشرفت بزيارة مدونتك

كل التحية

محمد مارو said...

حلوه المسابقه دى بس للاسف انا عندى مشكله كبيره جدا و بحاول اعالجها اهوه
مشكلتى ان معلوماتى فى التاريخ الاسلامى و الصحابه مش و لا بد و ده شىء مؤسف طبعا ع شان كده بحاول اقرا كتير
لكن عندى الحمد لله معلومات علميه كويسه
اتمنى التوفيق للجميع

ما علينا said...

ان شاء الله
الخلق هو الرحمة

والصحابي
مصعب بن عمير

رضي الله عنه

مدونة كل العرب said...

بالتوفيق للجميع
وانشاء الله تكملوا المسابقة بعد رمضان
وكل عام وانتم بالف صحة وسلامة

نـــــــور said...

ليه الاسئلة بتتأخر كدا
؟؟

david santos said...

Very good posting, thank you


جمال عبد الناصر,

15/1/1918/ - 28/9/1970

The Great, Gamal Abdel Nasser

ياسر مدني ...دينامو الإخوان said...

لا زال المجال مفتوح للإجابه