لسه الفرصه أدامك ..كل سؤال حيتحط عشر أيام
جزاكم الله خيرا علي الإخوه إللي جاوبوا..بس يا ريت كل أخ يجاوب علي الأسئله من أولها عشان يكون من الفايزين بإذن الله..والأسئله يوميه ..والفائز مش بس بأولويه الأسبق في الإجابه لكن كمان الإجابه الصح والكامله..يعني تلاتين يـــــــــــــــــــوم
الفقره الأولي ..يلا نحسن أخلاقنا..!!؟؟
خلــق اللـيلــه دي خـلـق كـلـنـــا إشتقناله
في عصر الموضه والإسترتش وأمثاله
واللي ما يبقي خلق الليلــه من حـــالـــــه
في طريق سخط ربنا يعـمـل مــا بدالــه
خـلـق ومـنـزلـتــه شعبـــه مـــن الإيمان
بيه الملايكه تتوصف لما تشوف عثمان
خلق ولو ينتشر بين شعبنـــــا الـغلـبـــان
يسهل غض البصر ويحبنا الرحمـــــــن
الفقره التانيه...من هو؟؟؟
شخصية من عهد النبي مش بس صحابية ؟!!
ما شاء الله مين امها شريكة ووفية
والاب ده للناس هداية وهديه
محسن وزينب وام كلثوم كل دول
اولادها زينة الشباب في الجنة ذرية
افضل نساء العالمين اربعة وعدّوا
الزهرة دي وامها
والسيدة مريم .. والسيدة اسيا
بعد وفاة النبي 6 شهور عدّوا
راحت وراه ودعت الصحب والدنيا
كانت لسيدنا النبي رحمة ومحبة وهبة
حبيبتي كلمة يا ناس علي حبها شوية
ما شاء الله مين امها شريكة ووفية
والاب ده للناس هداية وهديه
محسن وزينب وام كلثوم كل دول
اولادها زينة الشباب في الجنة ذرية
افضل نساء العالمين اربعة وعدّوا
الزهرة دي وامها
والسيدة مريم .. والسيدة اسيا
بعد وفاة النبي 6 شهور عدّوا
راحت وراه ودعت الصحب والدنيا
كانت لسيدنا النبي رحمة ومحبة وهبة
حبيبتي كلمة يا ناس علي حبها شوية
لا تنسوا تجاوبوا علي كل الإجابه اللي فاتت ...وربنا يوفق الجميع ..والأولويه في الفوز ..والأسبقيه ..والإجابه الصحيحه..وتكون التلاتين إجابه..؟؟
مع تحيات
الشاعر وليد الرفشي
وياسر مدني
10 comments:
كل عام وحضرتك بخير
كنا محتاجين حضرتك هنا
http://bentmoslema.blogspot.com
/2007/09/blog-post.html
كل سنه وانت بخير
السلام عليكم
ازيك ياياسر
كل سنة وانت طيب
السيدة فاطمة رضي الله عنها
مسابقة حلوة وجميلة
جزاكم الله كل خير
رمضان كريم
الاخ ياسر مدني دينامو الاخوان المسابقة بتاعتكم فيها مجهود واضح ربنا يجازيكم عنه خير بس مش عارف ليه حسيت اني بتفرج على برامج الاطفال الخايبة بتاعة القناة التالتة من غير ما تزعل مني
بس بجد ربنا يكرمكم يا رب
السلام عليكم
الخلق الحياء
والشخصية
سيدة نساء العالمين
ام ابيها
فاطمة الزهراء
ربنا يجازيك خير
ان شاء الله
خلق الحياء
والسيدة فاطمة الزهراء
*******
على فكرة الاشعار فعلا جميلة جدا
مش بتاعة برامج في القناة الثالثة للاطفال
بجد الاشعار مبذول فيها مجهود ربنا يبارك للجميع ويجعله في ميزان الحسنات
كل سنة وانت طيب
مسابقة جميلة بس لو فيه اختيارات كانت تبقى اجمل
الحياء
فاطمة بنت رسول الله
صلى الله عليه وسلم
السلام عليكم ورحمة الله
الخلق : الحياء
الصاحبية : فاطمة الزهراء بنت محمد صلى الله عليه وسلم
الخلق
االحياء
الصحابية
هى
السيدة فاطمة
Post a Comment