هاه ...يلا نكمل

أنا مش عارف أقول إيه بس للأٍسفإ أنا مضطر أقفل مجال حل الفزوره الأولي وهرد لك لكل اللي ملحأوهاش.. وأدامهم الفرصه يكملوا لان اكيد في ناس مش حتحل التلاتين كلهم..وبالنسبه للناس اللي لحأت...أحب أقولهم شدوا حيلكم وربنا يجازيكم الثواب قبل الجايزه الدنياويه..ولا تنسوا تجديد النيه قبل الحل
الفقره الأولي..يلا نحسن أخلاقنا...!!؟

وحده وحده هو مش عالأرض غيرك
ماشي عالناس الغلابه فوقها فارد ليه جناحك
يعني إن كنت إبن آدم احنا أولاده كمان
آه يا خوفي لو بفعلك تبقي قلدت الشيطان
يا صاحبي دوه خلق قالت عليه السنه
لو كان في القلب ذره راح تحرم الجنه
وإن كنت معرفتوش إقرأ سوره لقمان
في وصيته لإبنه ...راح تفهم المعني
الفقره التانيه....من هو؟؟؟
قائد حرب مش عادي
ومالهوش حل في التخطيط
مياه النهر والوادي
عارفه إن عقله حويط
ونصر المولي مكتوبله في كل ميدان
ده سيف الله ضد الكسر والتفتيت
كتبها الشاعر/وليد الرفشي
مع تحيات /دينامو الإخوان

8 comments:

زمردة said...

السلام عليكم ورحمة الله
الخلق: الاستكبار( الكبر)
الصحابي خالد بن الوليد رضي الله عنه
اخيرا الرد الاول
احمدك يارب

دكتور حر said...

ايه ده هو مينفعش الا الرد الاول

عموما جزاكم الله خيرا

انا قريت دينامو الاخوان قلت هلاقي المدونة بتلف ولا حاجة

كل سنه وانت طيب
ونفس الاجابات
والجايزه مني لنفسي المره دي

دعوة الفردوس said...

السلام عليكم


الخلق
الكبر

الصحابي

سيدنا خالد بن الوليد

قلب أبيــض said...

السلام عليكم
الخلق
هو الكبر
والصحابى
خالد بن الوليد

ابوزياد الفاتح said...

كل عام وانت بخير
رمضان كريم والاجابت نفسها ان شاء الله
دايما رائع فى موضوعاتك وفوازيرك
ربنا يكرمك اتبقى زورنمى يا راجل

إخواني غلس said...

نفس كبير حيث أني متغاظ .
نفس كمان حيث أن الغيظة لسة ما راحتش .

ثم :

الاسم : اخواني شديد قوي .
السن والمدينة و الحاجات دي فكة لا قيمة لها .
انترست يعني الاهتمامات ( حرفيا كما ورد ) : الدعوة إلى الله ، الخروج مع إخواني في الله ، الكمبيوتر والانترنت ، كرة القدم .
وصوتياته المفضلة : الأغاني الإسلامية فقط ( لازم فقط دي علشان دقة النقل )
والكتب المفضلة : كل ما كتبه الأستاذ مصطفى مشهور ورسائل الإمام حسن .

ثم :

الإخوان تحت سن كام وعشرين سنة يمتنعون عن القراءة وهقول لكوا ليه بعدين .

ثم :

هذا التعريف السابق هو مختصر بروفايل مدون ابن ناس محترمين ومثله ملفات مدونين آخرين كثيرين يحملون لافتات كبيرة لأسماء كبيرة والسن يتراوح بين الثامنة عشر والكام وعشرين السابقة . هتسمي وتدخل المدونة تلاقي شعار الإخوان وشعار أنا مدون إخوان وشعارات تقسم لك بكل مقدس ان المدون إخوان وعاشق تراب الإخوان وممن قالوا لا في وجه من قالوا نعم .

وكل هذا لا عتب عليه فكل واحد حر في مدونته يحط فيها سبحة وسجادة ، يقلبها كازينو . ما دامت الدنيا تُسبح بحمد الحرية . لكن ما دمت اتخذت شعارا كبيرا فلابد أن يكون ما يندرج تحته على قدر العنوان الكبير الذي اتخذته . صاحبنا الذي أغاظني هذه الغيظة التي فتحت الموضوع بقى عدى على بعض المدونات علشان يقول بق واحد بس دون النظر في مواضيع أصحابها : إعلان عن مسابقة رمضانية عنده . وكأنها جدران بيوت ( عامرة ) بيلزق عليها إعلانات . طب ببساطة شديدة إذا قرأت ورديت رد ذا قيمة في المدونة ستجبر صاحبها أن يزورك وهناك هيقرا ما وضعته ..



............

ما علينا said...

ان شاء الله

الكبر والعياذ بالله

والشخصية
سيف الله المسلول
خالد بن الوليد

نـــــــور said...

الخلق المذموم هو الكبر

والصحابي سيدنا خالد بن الوليد رضي الله عنه وارضاه وجمعنا به في جنان الخلد

بجد والله انا زعلانة جدا جدا مش علشان حد سبقني والله .. زعلانة لأني بحب سيدنا خالد بن الوليد اوي اوي وكان نفسي ابقى اول واحدة تجاوب على السؤال

بس ظروفي اليومين اللي فاتوا دي كانت ملخبطة جدا وماكنتش بدخل على النت

قدر الله وماشاء فعل