أنا اسف بس ممكن نكمل

في البدايه ببدأ بإعتذار شديد جدا جدا عن الفزوره بتاعه إمبارح..وذلك نظرا لشده إنشغال المؤلف ..وإن شاء الله مـش حتتكرر تاني
وعلي العموم بالنسبه للناس إللي عايزه تلحق التعليقات الأولي أنا غالبا بنشر البوست قبل الفجر بساعه أو ساعتين..وياااارب الناس كلها تكسب واللي ميكسبشي جوايز الفزوره يكسب حاجه تانيه بس الرك عـــلي النيه....وبالله عليكم لا تنسوا تجديد النيه
الفقره الأولي....يلا نحسن أخلاقنا...!؟؟
خلق وقدره عظيم ومحتاجينله صحيح
في الوعد والكلمه واللجنه والتصحيح
نضيعوا لو حيضيع من الشرا والبيع
والطرح والتجميع والجامعه والترشيح
أهل المناصب أصلهم لو كانوا عارفينه
كانت الخزاين إتملت ولشعبنا المفاتيح
لكن مفيش فايده ...مات أبو عبيده
يارب عوضنا ...ده دعاءنا في التراويح
الفقره التانيه...من هو..؟؟
تحبه من إسمه والحب للأنصار
في قلوبنا شايلينه ..حب وإخاء وإيثار
وداره كانت للرسول الدار
اللي نزل فيها من بعد ما هاجر
والمولي بارك في داره ببركه المختار
مع تحيات
الشــاعــر/ولــيـد الـرفشــي
ياسر مدني..دينامو الإخوان

9 comments:

نـــــــور said...

جزاكم الله خيرا وربنا يبارك في مجهودكم

وانا فعلا كنت قلقانة من تأخيركم بس كل تأخيرة وفيها خيرة

اقول الاجابة ان شاء الله

خلق الأمانة

والصحابي ابو ايوب الانصاري

الخلق بصراحة مش متأكدة منه اوي وحاسة انه غلط بس خير يعني .. واهم حاجة فعلا النية .. ربنا يكرمكم

محمد عـنـانـى said...

انا مش داخل اجاوب وبعدين اعمل مودريشن وانشر مره واحد الناس هتعرف الاجابات من بعض
المهم انت عامل ايه يا ياسر
واخبارك
انا عارف انى مقصر معاك بس سامحنى
والف مبروك على الفوازير ويارب يجعلها فى ميزان حسناتك
تحياتى
وابقا مسيت عليا
سلام

NeRmeeN said...

السلام عليكم

كل سنة وانت طيب
وربنا يتقبل صيامك و قيامك وركوعك و سجودك ان شاء الله

بالنسبة للفوازير.... ايه الفوازير السهلة دى ..دى ولا اسئلة البيت بيتك :ي

بسم الله الرحمن الرحيم :ي

الاجابة
الامانة و ابو ايوب الانصارى

تحياتى ليك و على روحك الجميلة دى فى الشهر الفضيل

زمردة said...

السلام عليكم ورحمة الله
الخلق : الامانة
الصحابي : ابو ايوب الانصاري

ياسر مدني ...دينامو الإخوان said...

لا زال المجال مفتوح للإجابه

ياسر مدني ...دينامو الإخوان said...

والله يا جدعا في جوايز بجد بس يارييت تستمروا

دعوة الفردوس said...

الخلق

الأمانه
وكنت شاكه في الاخلاص

بس خلينا نقول
الامانه

والصحابي

سيدنا
ابو ايوب الانصاري طبعا
خير مستضيف لخير ضيف

قلب أبيــض said...

الخلق
الامانة
الصحابى
ابو ايوب الانصارى
بوركت اخانا وجعله فى ميزان حسناتكم

ما علينا said...

الخلق المانة طبعا

وبصراحة ماكنتش عارفة الصحابي
الحمد لله عرفته من الاجابات
لن في اجماع على
ابو ايوب الانصاري


ان شاء الله يكون صح