بسم الله .... علية توكلنا

من أجل الله قررنا ترك التدوين
ومن أجل الله قررنا العوده

إبتداءا من الأجازة...إنتظروا المزيد

إنتظروا قصه العوده للتدوين...والمفاجأة ..في التدوين اللي جاي

تحياتي ياسر مدني

لوجة الله ....إترك التدوين

طبعا وبكل إستغراب عايز تعرف ليه أترك التدوين ... ومن غير لف ولا دوران أنا أصدي أقولك ...شوف اللي حقولك عليه وبعدها سيب التدوين ... علي سبيل المثال ... - بتعد كام ساعه في اليوم علي النت ...وكام منهم ع التدوين إشي تتعليقات وبوستات والازي منه..وانت أكتر واحد عارف نفسك

.ايه بصراحه الحاجه العمليه(الملموسه)اللي إستفدتها من ساعه ما انت بدأت التدوين-

بالله عليك مش حاسس ان وقت التدوين ده كان ممكن تستفيد بحاجه أحسن(مع مراعاه فقه الأولويات).؟-

مش حطول عليكو لكن بالله عليكو ....(لا تنسونا)...!!؟

أخوكم دينامو الإخوان ..(واللهم ثبتنا علي طريق الدعوه)..وجزاكم الله خيرا

تخيل الجامعة بعد أن حكمها البلطجية

كانت الساعة تقترب من الثامنه صباحا عندما هتفت فيه أمى: ياللا بسرعة شوية يابنى أنته كده هتتأخر على الأمتحان-أجبت حاضر أهو يااما بس بحضر الأدوات بس-أوعى تنسى المطوى يابنى-لا ماتخافيش ياماما حطتها-طب وسنجتك وموسك أمنت عليهم-أيوه كله تمام..بس أنتى أوعى تكونى نسيتى تسنيلى التلت-لا ماتقلقش أنا خليت الراجل يحميه....بس أنته يابنى شد حيلك وجاوب كويس السنه دى آخر سنه وعايزين ربنا يكرمك****************************كنت جالس بجوار زميلى فى اللجنة قبل الأمتحان عندما سألنى :بتذاكر من مذكرات أيه-أنا بذاكر من مذكرات قطعنى يامعلم-يخربيتك هو أنته ماكنتش بتاخد كورس عند الأستاذ الدكتور البلطجى خميس برشامة-ياعم خميس برشامه ده غالى أوى وبعدين ده بياخد الشهر بتاعه هيروين ..أنا هجيبهوله منين....أنا ياعم أبويا موظف حكومه ...ياعنى آخرى تربته حشيش ولا لفة بانجو-طب ماكده يابنى ممكن يستقصدك ويسقطك ده ممكن يغزك فى قلب اللجنه-أهو أنا ونصيبى بقىوهنا قطع حديثنا دخول الدكتور برشامة الذى دخل للجنة بعد أن أصطدم بالباب خمس مرات..يبدو أنه متقل حبتين:موساااااااااااااااااااااااااء الخيييييييييييير يامعلمين .......ظباحكو زفت إن شاء الله-أجبنا :ظباحك قطران ياأستاذ-الطالب اللى هقفشه بيحشش مع اللى جنبه ولا بيديله حقنه وربنا لكون كابب على وشه ميه نار ومشوهه...............هو أنتو عندوكوا أنتحان إيه أنهارده-عندنا بلطجة ياأستاذ-طب أنا جبتلكم معايه ورق أمتحان الأجرام بتاع بعد بكرة تقروا سؤال الأجرام وتجاوبوا من كتاب البلطجة-طب إزاى يا أستاذ-هو كده أنا دماغى مكلفه ومش عايز عكننه.. بدل ماتطيروا الحجرين اللى ضاربهمالسؤال الأول من القائل:أخدها فى وشى وموت أحسن ما أخدها فى ضهرى وأتعورالسؤال التانى علعل الفارق بين المطوة السسته والقرن غزالالسؤال التالت أذكر ماتعرفه عن الزعيم المصرى الكبير محمد الأحمرالسؤال الرابع أنا نسيت أحطه واللى مش هيجاوبه هسقط أهلهياللا..أرفع المطوة أنتهى الوقتأخذنا ننظر لبعضنا البعض فى دهشه وبرشامه يصرخ فى المراقبين يلموا الورق اللى هو ماوزعهوش أصلاكان الجميع يأمل أن يعدى فى العملى وأعمال السنه لكنى كنت واثق م السقوط لأنى لست مسجل وليس لى أى سابقه حتى ولو مشاجرة عشان تعدينى

*****

وشكرا لمن تخيل معنا واقعنا الأليم

مدني (أخويا الكبير )يتحدث من وراء القضبان

في ظل تخيل أحد مشاركي منتدي أمل الأمة..قام بكتابة تخيل حديث المعتقل محمد مدني من وراء القضبان ...أنقله لكم مع إعتذاري الشديد لعدم كتابتي لشدة إنشغال...وجزاكم الله خيرا..!!؟

***

من وراء القضبان ...سمعتهم يخططون
المهمة الاولى:"نأخذ من كل رجل قبيلة....آه وربنا"أخذ أبو الغضب ينفث دخان سيجارته الروثمان فى توتر وعصبية..قبل أن يفزع من مكانه وهو يصرخ قائلا:هل ستتركونهم يسفهون أحلامكم ..ويهزقون ظباطكم ..ويمسخرون مخبرينكمأجابه الجالس على يمينه:وماذا نحن فاعلون معهم أكثر من ذلك يا أبا الحكم..قصدي يامحمد باشا ..ده إحنا مطلعين بكابيظهم فصل وتحقيقاتثكلتك أمك يا أحمد باشا ..وهل خلقنا من أجل الفصل والتحقيقات..رد عليه المره دى الجالس على يسارهوالله أنا رأيي يا جماعة ان احنا نطلق عليهم شوية بلطجية من تخشيبة باب شرق يثبتوهم فى الشلالات ويبقلشوهم ويشرحوهممحمد باشا:خسأت يا حسام بيه..أتريدنا أن نفعل كما فعلت قبائل العرب فى جامعة عين شمس والأزهر فنصير مسخةعلى صفحات الدستور والمصرى اليوم..كلا ماهذا بالرأىوهنا يدخل عليهم رجل ذو هيئة مرعبة..ذو لحية حمراء.وحواجب كثيفة..وأسنان سوداءيسأله أحدهم:من أين الشيخيجيب:من العوايد تحت الكوبرىياعم احنا بنسألك على عنوان بيتكم..احنا بنسالك انته تبع ميناننى من جهاز أمنى موازى..وكنت أمر على أحد الظباط أقربائى فى الجهاز عشان أخد منه الجمعية فقلت أقعد معاكموماذا تقول ياأخا العرب فى هؤلاء الطلبة المزعجينأرى أن نأخذ من كل كلية طالب..ونأفشهم أفشة رجل واحدينظر اليه كبيرهم من فوق لتحت ثم يهتف فيه:أمشى أطلع بره ياض ومتجيش هنا تانى..والظابط قريبك ده احنا هننقوله المطافىليه كده بس ياعم الحاج..هو ده جزاتى انى جاى اساعدكمتساعدنا ايه..مااحنا يافالح كل مانروح نمسك حد فيهم مانلقهوش ..وماينوبناش الا المشوار والبنزينإذن يأخذ كل ظابط منا زوجته وأولاده..ويذهبوا ليحتلوا بيت الطالب فى انتظاره حتى يعود..وفى هذه الأثناء نكون شطبنا على مافى الثلاجة من لحوم وأسماك..ونعمل قاعده حلوه ولامانع من أن نبعث أبو الطالب ليحضر لنا الطلبات لزوم القاعدةنظربعضهم إلى بعض قبل أن يهتف كبيرهم: الرأى ماقال الرجل..وأنا سأبدأ بنفسى وسأذهب للواد خالد بتاع سموحةهتف أحدهم..ولماذا انته تذهب لخالد بتاع سموحة..لماذا لا تذهب لسيد بتاع أبو سليمان_لأنى ساكن فى سيدى جابر وخالد أقربلىلاياأخويا..أنته عايز تاخد الواد بتاع سموحة عشان شقته واسعةوعنده دى فى دىانته هتعلمنى شغلى يافندى..والله ماحد رايح سموحة غيرىكان صوت الصراخ والعراك يخرج من المكتب بينما سأل أحد المخبرين زميلههو فى إيهأهم ياسيدى بقالهم تلت أيام فى فيلم الجاهلية ده..عملين يتعاركوا ع الطلبة..ع العموم احنا مالناش دعوة..أنا اللى يجوز أمى أقوله ياعمى..بس آه ياولا لو الباشا بتاعى يروح لرمضان بتاع كفر الدوار..أصلى نفسى أشوفه

وبعد نقاش طويل قرروا إرسال واحد تاني غيرهم يشرف ع الموضوع

بعد طووووووول غيااااااااااااااب...عودة للتواصل والتدوين

الحمد لله والصلاه والسلامن علي أشرف الخلق سيدنا محمد صلي الله علية وسلم

أعتذرعن طووول الغياب والتقصير ..وذلك لعدة أمور أولها الإمتحانات وبعد كده دخلت في شوية مشاغل ..وبعد كده موضوع غزه اللي خد مني حيز كبييييييير من الوقت وربنا يفك حصارهم

لكن بعون الله عوده بلا إنطاع ..

وأتمني التواصل مع كل المدونين الأحبة وإنتظروا مني الكثير والعديد والمتنوع علي مدونتي

دينامو الإخوان

وماذا بعد.......؟؟؟

السؤال يطرح نفسة

بصراحة السؤال يطرح نفسه دي مش عارف بقولها ليه بس بصراحه بسمعها كتير ونفسي أقولها من زمان المهم خلينا في الموضوع

في يوم من الأيام راحوا ناس للسيده فاطمه رضي الله عنها وأرضاها وقالولها إن المشركين قد وضعوا القاذورات علي رأس أبيكي وهو ساجد حتي إذا ما قام أصبحت القاذورات علي ظهره وجسمه ...ولكن رسول الله صلي الله عليه وسلم...بقي ساجدا ولم ينتهي من سجوده حتي الآن....فراحت السيده فاطمه رضي الله عنها تجري إلي النبي صلي الله عليه وسلم فرفعت القاذورات عن رأسه وأخذت تبكي حينها إنتهي النبي صلي الله عليه وسلم من سجوده وأنهي صلاته ...فوجد السيده فاطمه رضي الله عنها تبكي بشده فمسح دمعها فقالت له

وماذا بعد.......؟

فأجاب الرسول صلي الله عليه وسلم.........................إن الله ناصر أباك

أما كان منا ومن أتباع رسول الله صلي الله عليه وسلم أن يسألوا هذا السؤال.....فما كان منهم إلا أن يوقنو أن الله ناصر نبينا مادمنا نسير علي نهجه وسنته..!؟

أما كانت في قصه يوسف عليه السلام نفس الأسئله عندما وضع في غيابه الجب فيقول

وماذا بعد......؟

فتكون الإجابه ....وجاءت سياره فأرسلو واردهم فأدلي دلوه

أما كان لنسأل السؤال......حينما شروه بثمن بخس دراهم معدوده

فتكون الإجاب .....وقال الذي إشتراه من مصر لإمرأته أكرمي مثواه....ثم قال الله تعالي ...وكذلك مكنا ليوسف في الأرض

أما كان لنا لنسأل السؤال حينما راودته التي هو في بيتها عن نفسة وغلقت الأبواب فنسأل السؤال

وماذا بعد......؟

فتكون الإجابه وشهد شاهد من أهلها ...إلي آخر براءته

أما كان لنا أن نسأل السؤال حينما وضع في السجن فتكون الإجابه

فقال الملك أئتوني به أستخلصه لنفسي

وماذا بعد يوسف.......؟

أم كان من أن نعي عندما وضعنا في نفس الموضع وفصلنا من الجامعات أن نسأل

وماذا بعد........؟

لتكون الإجابه إن الله ناصرنا مادمنا علي نهج الحبيب

حين نمنع من دخول الإمتحانات فليس منا إلا أن نقول

وماذا بعد.......؟

لتكون الإجابه إن الله ناصرنا مادمنا علي نهج الحبيب

إخواني

لا يسعنا في هذا العصر وهذه الإبتلاءات إلا أن نقول وماذا بعد فنجيب علي أنفسنا بقلب ناصع وعقل ناضج متيقن وياقن ...إن الله ناصرنا ما دمنا علي نهج الحبيب

أنا إتفصلت يا جدعااااااااااااااااااااااااان

علي رأي أحد أقاربي المهندسين...يعني لا نافع شاي بلبن ولا نسكافيه ..طيب أشربلهم إيه مخدرااااااااااااااات طبعا كلكو عارفين اللي حصل في الجامعة .....وعارفين إن الإخوان في قنا ليهم وضع خاص في الشغل ...وأتحدي إن حد السنه دي يكون سمع إسم الإخوان في الجامعة...طيب يفصلونا ليه ..طب وحنا عملنا ايه..أنا وحشه ولا ايه...اه لا مؤاخده ده أنا دخلت في الأغنيه...المهم نعمل مظاهرات يفصلونا ...نبطل بردوا يفصلونا ...البنات عملوا إضراب ...إحنا مالنا...ولا لازم يقفلوا محاضر ولا بيقبضوا من هيئه الفصل الدوليه ..ولا عاملين إشتراك سنوي ولا إيه الموضوع بالظبط...الحقيقه بعد كل ده ...بنصح كل شاب وكل فتاه ...وكل طالب وطالبه....وأقول لكم لما هو مش نافع لا شاي بلبن ولا نسكافية....يبقي لازم تشربوا مخدرااااااااااااااااااااااااااااااااااااااااااااااااااااااات (ملحوظه..طب فصل الإخوان بتهمة تحريض البنات علي التظاهر..راجع البوست قبل اللي فات)؟؟

ولسيادتكم جزيل الشكر

تحياتي

هيئة الفصل الدوليه

لسان حالي يردد

بصراحه الواحد مش عارف يعمل ايه في اليوم الواحدج لكن اليوم أنا بصدد (أيام من حياتي)للكاتب المدون ياسر مدني.....يلا نخش في الموضوع ومن غير مقدمات..؟

المشهد الأول(محطه القطار)؟

كنت في ااقاهره ..جاي من المنصوره ورايح الصعيد ومستني القطر والناس بصراحه كتيييييييييييييييييييير ...لا والله ده كتيييييييييييييييييير جـــدا جـــدا جــدا ..ولما دخل القطر وكله بيجري عشان يلحق القطار وأول ما دخل القطر المحطه...الناس وقفت..وانا كمان وقفت أصل القطر كان مليان علي الآخر ...وبصراحه هو كان جاي م المخزن مليان ...أمال الناس اللي في المحطه دول مش الناس اللي مسافره بردوا ولا ايه ...طيب والناس اللي في القطر دول جايين منين ... أمال ايه وفين ومنين ..طيب حتي مفيش مكان نقف فيه ..أمال ايه وحنعمل ايه وحنروح إزاي وكل الناس دي رايحه فين واللي مش عارف يركب حيعمل ايه هاه وبعدين ..طيب والستات والناس الكبيره وكل ده ...والعمل يا جماعه....فلم أجد سوي لسان حالي وهو يردد

حسبي الله ونعم الوكيل

المشهد الثاني(فرن العيش)؟

بما إني عايش في قنا مع شويه طلبه فحنا بنخدم نفسينا بنفسينا ولما جه اليوم اللي أنا حجيب فيه العيش ...رحت فرن ملايين

التاني ...ملاييين

التالت شطب الرابع ...بردو شطب ...شطب الأمر لله أرجع أقف في الأول أو التاني عشان أجيب عيش وخلاص

للأسف شطب شطب

هاه الحمد لله إفتكرت في فرن في وسط البلد بيتأخر ...الحمد لله شغال ...زحمه زحمه مش مشكله المهم ناكل والأمر لله الطاور كلها ساعتين تلاته ونوصل لآخر الطابور ونجيب العيش وبعديها إن شاء الله حروح سالم غانم وحنأكل الناس...المهم الساعه كام دلوقتي إتناشر .....وربع ....ونص ......لسه مزهأتش وربنا مصبرني وواقف في الطابور.....الساعه واحده...وربع ...ونص ...يلا يا جماعه شطبنا مفيش عيش تاني

يالهويييييييييييييييييييييييييييييييييييييييييييييي

يا نهار ابيض بعد كل ده

مكانش في ايدي حاجه غير إني أجد لسان حالي يردد

حسبي الله ونعم الوكيل

المشهد التالت(المواصلات)؟

إنهارده رايح الجامعه وعندي محاضرات كتيييييير وسكاشن من الساعه 8 لحد السعه إتنين محاضرات ...وبعد كده سكاشن ومفيش راحه إلا بعد كل محاضره أو سكشن شويه صغيرين ..المهم مروح بقي وبحلم بالسرير ..والأكل والراحه بعد العناء الطويل ده ...هه ...وطلعت من باب الجامعه....مواصلات ...إيه مفيش مواصلات ...لا حرام...علما بأن كليتي في قنا وهي محافظه مش زي إسكندريه لا تتميز بكثافه سكانيه عاليه..لا ده كتييييييييير ...حرااااااااااااااااااااااااااااااااااااام ...هه الحمد لله في عربيه جيه أهي ....طيب حتشيل مين ولا مين ...فلا أجد إلا لسن حالي يردد حسبي الله ونعم الوكيل

المشهد الرابع(الأمن )؟

يا صبحنا وصبح الملك لله ع الصبح رايح الجامعه وكالعاده الأمن عشان عارفني من الإخوان مش بيقولي هات الكارنيه...بس كان في واحد ماشي معايا إسمه إسماعيل..ألاقيه بيقولي بعد ما سبتني خدوا مني الكارنيه وبهدلوني وقالولي تعالي خد الكارنيه من قائد حرس الكليه....وبعد كده ألاقي الأمن بيجبر المنقبات علي رفعه ومن ترفض تحول شئون قانونيه...وبعد كده أخرج أروح أصلي كل من له لحيه ...هات البطاقه وروح خدها من أمن الدوله ...وهناك هات يا قله أدب....وبعدين هم واخدين راحتهم ليه طيب ما البنت دخلت الجامعه بلبس مسخره ولما راحوا لرئيس الجامعه بهدلهم ...إحنا اللي بنتبهدل وهم الساده واحنا العبيد لا مش ممكن ده كتيييييييييييييييييير

فلم أجد سوي لسان حالي يردد حسبي الله ونعم الوكيل

إخوني المشاهد تستمر والفضايح أكتر والموضوع كبير كبير ...وإستنوا مني باقي المشاهد لأني تعبت بصراحه ولكن حنكمل

وحسبي الله ونعم الوكيل

هيه هيه ..معايا فضيحه جديده

بصراحه أنا مش عارف أبدأ إزاي بس العموم أنا فرحان جدا لاني أول مره أشوف صحوه طلابيه حقيقيه داخل أسوار الجامعه بدون طلاب الإخوان وتكون بالشكل ده المهم إن طلاب الإخوان مش حيعرفه يلموا العدد ده لو عملوا مظاهره في المكان ده.....؟

المهم مستعدين

ردي

إستدي

جو

المكان...جامعه جنوب الوادي...قنا(مش بقولكوا حاجه تفرح)؟

الحادث مظاهره حاشده إحتجاجا علي مشروع الطفطف

(طفطف إيه)(إنت بدأت تخرف ولا إيه )

إستنوا بس ...أنا حشرحلكم..جامعه قنا في مكان ما بعيد عن الجامعه

لا ..إنت شكلك مسطول ولا شارب حاجه

ليه الإحراج ده بقي...بصراحه أنا شربت المر والله...واصبروا لحد ما أخلص كلامي

الجامعه تعتبر في صحرا معزل عن البلد...ثانيا البوابه بتاعه الجامعه بتبعد عن المباني والمدرجات حوالي 800متر وتفضل ماشي انت في وسط الصحرا دي ..وشمس يا معلم ...وإحرق يا سيدي ..عرفتوا ليه الصعايده سمر شويه

اه ...بدأت أفهم الموضوع

أيوه ما انت لازم تفهم والناس لازم تفهم بردوا...والعربيات الميكرباس كانت الأول بتخش لحد المباني وعاملين بوابه جوه قريبه من المباني ماشي يا جماعه ..معايا ولا ايه...طيب المهم ..رئيس الجامعه لغي الكلام ده كله وجاب طفطفي يدخلوا الطلبه وده طبعا بيخلي الطلبه تركب فوق بعضيها صبيان علي بنات ده غير أصلا إنه مبيكفيش وأكتر من تلتين الطلبه بتضطر تمشي المسافه دي في الشمس عشان تلحأ المحاضره وعلي ما يروحوا يكونوا ساحوا طبعا...الطلبه من نفسيها عملت مظاهره إحتجاجيه...وكان العدد حوالي 2000طالب وطالبه..علما بأن مظاهره الإخوان في قنا لا تستطيع حشد هذا العدد..وأجبروا رئيس الجامعه علي النزول ولم يقبلوا حتي مناقشه نائب رئيس الجامعه...صحيح رئيس

الجامعه لف العيال في كلمتين وعطاهم حل أي كلام ...والعيال بدل ما تمشي 800متر حتمشي 300متر في الصحرا والشمس...لكن الجميل في الموقف إيجابيا الطلبه الجديده وتحرك الجامعه دون الإخوان...والصحوه الجيده التي أجبرت رئيس الجامعه علي النزول...والله أكبر ولله الحمد

تحياتي دينامو الإخوان

دعوه وشكر

بدايه أنا أحب أقول جزلك الله خيرا لكل اللي عملي تقدير وزار مدونتي...ثانيا بالنسبه للفوازير ...أنا بصراحه كنت عمال بعد الناس اللي كانت في المنافسه بتاعت فوازير رمضان لقيتهم تلاته بصراحه الواحد تعب فيهم بصراحه لحد ما عديت من أول يوم المشاركات الأولي وخصوصا إنهم كانوا دايما سباقين متفاوتين يعني مش واحد بس اللي كان بيسبق علي طول..لكن في الآخر قررت إن التلاته يتكافؤا وهم زمرده ونور وما علينا...والشهاده لله نور كانت أسبقهم وعشان كده بقولكو إن الباقيين خدوا الأجر سفلقه..بالنيه يعني...وعلي العمو يا رييت التلاته دول يكلموني علي التليفون (0106130119)عشان أعرف حبعتلهم الجوايز علي أنهي عنوان ..وبعد كده هم ممكن يتكلموا علي الجوايز اللي خدوها في مدوناتهم...وجزاك الله خيرا لكل من شارك معنا....وشكر خاص للشاعر وليد الرفشي..حبيب قلبي

ثانيا الدعوه

دعوه لكل المدونين للمشاركه في المدونه الجماعيه ((يلا نفضحهم))وهي عباره عن تجمع المدونين الطامحين في وطن عربي حر دون سجين رأي واحد..مع لجنه سجناء الرأي وحقوق الإنسان..؟

وبالمناسبه لكل مدونين الصعيد يارييت نشترك علشان عايزين نعمل فرع للجنه في الصعيد..ويا رييت بردوا يتصلوا(0106130119) عشان نشوف حنعمل ايه

وجزاكم الله خيرا علي كل حال

يلا نكمل

علي فكره أنا لسه عند وعدي....والجوايز محفوظه زي ما انا إتفقت معاكو..وإنتظروا مني المفاجئه

وكل سنه وانتو طيبيين

تحياتي/دينامو الإخوان

كل سنة وانتوا كلكوا كدة طيبين

اول حاجة قبل ما اعيد عليكوا اقدملكوا اكبر اعتذار بالنيابة عن اخويا وحبيب قلبي ياسر باشا الدينمو

أصل الحكاية شكلها كدة كبيرة اوي

الأول سفر لأسوان ويتصل بية : ياعم معنديش نت وعايز أنزل المسابقة

وبعدين رجع علطول علي أحلي عشر ايام في السنة أيام الأعتكاف وبعدين العيد يعني من الأخر كدة ربنا يعينوا علي اللي هو فيه

المهم كدة يارب يكون كل واحد شايل حاجة في قلبه تبقي خلاص كدة

هاااااااا صافي يالبن .......

بعد الكلام الكتير دة أعيد عليكوا وأبلغكوا أكبر سلام من أخوكوا ياسر وبيقلكوا كل سنة وانتوا يارب فرحنيين وبالخير متنعميين وبعيد عن حبايبنا الوحشيين عايشين

وبالنسبة للمسابقة الجميلة الشعرية الرمضانية بإذن الله حيكون الإعلان عن الفئز فيها بعد كام يوم كدة

يلا كفاية كدة وسلاموا عليكوا

جزاك الله خير..ويارب كتر من الدعوات

مش حنطول عليكو وحنخش في الموضوع

الفقره الأولي ...يلا نحسن أخلاقنا....!؟

إيديك في إيدنا نبقي قوه

بالمحبه بالإخوه

دحنا زي جسم واحد

هو ده هدي النبوه

خلق اليلادي عالإثم مش مطلوب

لكنه شئ مطلوب عالبر والتقوي

الفقره التانيه....من هو...!؟

ضئيل الجسم لكنه بدينه أشد

وجهر بسوره الرحمن بقوه صحوته يشهد

رسول الله يعلمنا في حديث مشهور

بإنه كفء في القرآن وحافظه بجد

واسمه مره تلقي في اخرته مسعود

ومره يكون في اخره إبن أم العبد

تحياتي/الدينامو

أنا آسف علي التأخي ...لكن والله كنت تعبان جدا

أنا آسف جد ا يا جماعه علي التأخير لكن والله الواحد مطحون سواء في شغله أو مع الإخوان عشان بنحضر للإعتكاف..والله إمبارح رجعت بعد لف كتير وكنت تعبان جدا فمقدرتش أنزل حاجه اليوم ده..لإني كنت حروح لأستاذ وليد الأول كمان لإنه مكنشي سايب حاجه في اليوم ده...لكن علي العموم يلا نكمل...!؟

الفقره الأولي ....يلا نحسن أخلاقنا....!؟

مظبوط وراسي تحب صاحبه وتعاشره

وبسيد الاخلاق يزين أحواله وأمره

خلق وياما اتقال علي صاحبه

لو مره راح يغضب....؟

يبقي إتقي شره

الفقره التانيه.....من هو...؟؟

المسأله مش ا لون ولا جاه

الرك ع اللي في قلبنا جوه

ممكن يكون اسود وعبد فقير

لكن مع المصطفي قام اسس الدعوه

وأميه عرضه بقليل واما اشتراه ابو بكر

علم أميه إن العبد ده ثروه

يالا نفتكروه في اليوم خمس مرات

مع كل وقت اذان بيجدد الصحوه

تحياتي/دينامو الإخوان

يارييت كل واحد..قبل ما يجاوب ينصح نصيحه

يقول النبي (صلي الله عليه وسلم)الدين النصيحه..قلنا لمن يا رسول الله ..قال (صلي الله عليه وسلم)لله ورسوله وللمؤمنين وأئمه المسلمين وعامتهم....فيا رييت.عشان أنا مش لاقي نصيحه أقولها ..كل واحد ينصحنا عشان مفيش حد إمبارح نصحنا غي واحده بس فيا رييت كلكم تصحونا...وجزاكم الله خيرا..؟

الفقره الأولي ....يلا نحسن أخلاقنا...!؟

ربنا بيحبك علشان

مسلم وصحيح ميه الميه

وف عملك ترضي الرحمن

وتجيب الدرجه النهائيه

بتراعي في الصنعه ضميرك

وتقول حب الله أمنيه

الفقره الثانيه...من هو...!؟

غيرته علي ابن أخوه هزت كيان قلبه

ويوم من بعد يوم زاد للنبي حبه

فارس وهاجر وبادربالجهاد يوم بدر

وكان في غزوه أحد درب الجهاد دربه

والوحشي لما إتأمر من هند يقضي عليه

مات شهيد دعوته .يرحم أسد ربه

كتبها وليد الرفشي

تحياتي دينامو الإخوان