هيه هيه ..معايا فضيحه جديده

بصراحه أنا مش عارف أبدأ إزاي بس العموم أنا فرحان جدا لاني أول مره أشوف صحوه طلابيه حقيقيه داخل أسوار الجامعه بدون طلاب الإخوان وتكون بالشكل ده المهم إن طلاب الإخوان مش حيعرفه يلموا العدد ده لو عملوا مظاهره في المكان ده.....؟

المهم مستعدين
ردي
إستدي
جو







المكان...جامعه جنوب الوادي...قنا(مش بقولكوا حاجه تفرح)؟
الحادث مظاهره حاشده إحتجاجا علي مشروع الطفطف
(طفطف إيه)(إنت بدأت تخرف ولا إيه )
إستنوا بس ...أنا حشرحلكم..جامعه قنا في مكان ما بعيد عن الجامعه
لا ..إنت شكلك مسطول ولا شارب حاجه

ليه الإحراج ده بقي...بصراحه أنا شربت المر والله...واصبروا لحد ما أخلص كلامي
الجامعه تعتبر في صحرا معزل عن البلد...ثانيا البوابه بتاعه الجامعه بتبعد عن المباني والمدرجات حوالي 800متر وتفضل ماشي انت في وسط الصحرا دي ..وشمس يا معلم ...وإحرق يا سيدي ..عرفتوا ليه الصعايده سمر شويه
اه ...بدأت أفهم الموضوع


أيوه ما انت لازم تفهم والناس لازم تفهم بردوا...والعربيات الميكرباس كانت الأول بتخش لحد المباني وعاملين بوابه جوه قريبه من المباني ماشي يا جماعه ..معايا ولا ايه...طيب المهم ..رئيس الجامعه لغي الكلام ده كله وجاب طفطفي يدخلوا الطلبه وده طبعا بيخلي الطلبه تركب فوق بعضيها صبيان علي بنات ده غير أصلا إنه مبيكفيش وأكتر من تلتين الطلبه بتضطر تمشي المسافه دي في الشمس عشان تلحأ المحاضره وعلي ما يروحوا يكونوا ساحوا طبعا...الطلبه من نفسيها عملت مظاهره إحتجاجيه...وكان العدد حوالي 2000طالب وطالبه..علما بأن مظاهره الإخوان في قنا لا تستطيع حشد هذا العدد..وأجبروا رئيس الجامعه علي النزول ولم يقبلوا حتي مناقشه نائب رئيس الجامعه...صحيح رئيس
الجامعه لف العيال في كلمتين وعطاهم حل أي كلام ...والعيال بدل ما تمشي 800متر حتمشي 300متر في الصحرا والشمس...لكن الجميل في الموقف إيجابيا الطلبه الجديده وتحرك الجامعه دون الإخوان...والصحوه الجيده التي أجبرت رئيس الجامعه علي النزول...والله أكبر ولله الحمد



تحياتي دينامو الإخوان







26 comments:

عصفور المدينة said...

اللهم لك الحمد والأمور إذا جاوزت المدى ممكن تخلي الناس تنطق

ابوزياد الفاتح said...

الله اكبر ولله الحمد
الناس هتشتغل لوحدها لما تشوف المر
بس الشعب المصرى كسول جدا
بيتحرك بصعوبه قوى
ياريت الشعب كله يتحرك
حسبنا الله ونعم الوكيل

ammola said...

الحمد لله الذى بنعمته تتم الصالحات
شوف حضرتك ..من عشرتى للشعب المصرى-يعنى شوية اسابيع كده-لقيت انه شعب مش بيثور الا لما يكون فى ضرر مباشر اوى اوى واقع عليه زى الموضوع اللى حضرتك كاتبه او زى اضرابات العمال لكن لما بيكون فى ضرر غير مباشر او الفكرة فيها شغل غير مباشر بيفضل انه ينيب عنه حد تانى يدخل المعتقلات بداله ويقف من بعيد يحلل وينظر ويقول ده حلو وده وحش
يعنى شعبنا انتقائى شويتين بس هو فى المجمل زى ما بيقول الاخ ابو زياد كسول وصعب يتحرك

دعوة الفردوس said...

لأن الموضوع مسهم جدا اتحركوا

علشان كده مش بيتحركوا في أمور عظيمه لانهم للاسف مش شايفين الضرر المباشر عليهم دلوقت
رغم انه واقع و مسيره جاي
ربنا يكرم بالخير
:)

دعوة الفردوس said...

لأن الموضوع مسهم جدا اتحركوا

علشان كده مش بيتحركوا في أمور عظيمه لانهم للاسف مش شايفين الضرر المباشر عليهم دلوقت
رغم انه واقع و مسيره جاي
ربنا يكرم بالخير
:)

يوميات عيل مصري said...

شكلك صحفي محترف، شكرا على زيارتك لمدونتي

الجمعاوي الاصيل said...

هذه هي طبيعا الشعب المصري لا يتحرك ولا يقف ضد الظالمين
الا اذا حاربته في لقمة عيشه فها هم عمال الغزي يقفون وينادون بحقوقهم
حينما حاربوهم في لقمة العيش
وهاهم الطالب حينما ساحوا من الشمس لم يجدوا بد الا ان يقفوا رافضين للموقف والحال
مع ان الشمس حاجة حلوة خالص
ده حتى لما حد بيحب يكافئ حد بيقلو هوديك ورا الشمس
صاحب مدونة ميخا

امام الجيل said...

الحمد لله
فعلا هى دى غايتنا واملنا ان الناس تتحرك
هو ده المهم بجد
مش مهم نكون وسطهم
المهم يتحركوا
ربنا يسهل

EmY said...

دي معامله تصلح لبني آدمين ؟؟
ده اهمال تخلف استهتار مافيش احساس
يعني العميد او الدكاتره يقبلوا يركبوا البتاع ده

مصري إخواني said...

بصراحة شئ رائع وأحى لقطاتك الطيبة التى اعطتنا صورة طيبة للشعب المصرى

رينـــــــــــا said...

انا حاسه ان الناس الحمد لله بدأت تططلع عن صمتها
ربنا يارب يزيدهم لسان :D

الفاتح الجعفري said...

اياكش يارب يلغوا الميكروباصات والتوك توك والاتوبيسات والمجاري تضرب في المترو ويوقف والدنيا تتكربس علشان يفوقوا ويتحركوا طالما العمليه مبتجيش الا كده

mohamed said...

يعنى البلد دى فيها امل ولا ايه
طمنتنى بجد
انا لما كنت فى قنا كنت قريب من الجامعه ولقيت فعلا المبانى بعيده جدا عن باب الجامعه ولقيت الميكروباصات بتدخل الجامعة
وزى الفل

انا مش معاهم said...

جزيت خيرا يا دينامو الاخوان
علي فكره الاسم دا عاجبني

ياسر مدني ...دينامو الإخوان said...

شكرا يا ع عصفوريا مظبطني


أبوزيادالفاتح
التاس شايفه المر من بدري والله لكن ملعون الصبر إن يوم رحرحنا في قلبه علشان سموها أم الصابرين

أمولا
أشكركجدا مرتين
المره الأولي للمشاركه.والتانيه بصراحه عشان معيشاني الدور..وحضرتك والأحتران الجنيل ده
أصلي مش واخد علي كده

ياسر مدني ...دينامو الإخوان said...

دعوه للفردوس
ربنا يكرم بالخير ويكرمك ويكرمنا معاكي يارب


عيل مصري
شكرا علي المجامله يا سيدي ويارييت تبطل شغل العيال ده
:)هههههههه


ميخااااااااااااااااااااا
شكرا يا سيدي
وشكلك كده رايح ورا الشمس


إمام الجيل
طبعا مهم إت التاس تتحرك من غيرنا
لكن مهم تكون وشطهم
أنا عارف أنك أصدك كده بس أكيد خانك اللفظ

الأخت رينا
والله الدكاتره والعميد ورئيس الجامعه قابل الوضع لإنه مش يركب معانا

ياسر مدني ...دينامو الإخوان said...

مصري إخواني
شكرا يا سيدي وعلي العموم واحد صاحبي هو اللي صورلي عشان موبايله في كاميرا حلوه


عم الفاتح
إيه يا عم الجعفري ده كله...ده انت مش فاتح ده انت مدمر بقي
وعلي العموم المهم منكونشي فيها


محمد
البلد فيها أمل مش حيزول ولا حيروح
وحييجي من إيمان قلوب ملموح بالصبر ع الجروح وأخره صبرتا نصر في سفينه نوح

سقفولي بقي ع الكلمتن دول


مش معاهم
شكرا يا سيدي..ولو عاسزه خدواما يغلاش عليك
أو مكن ألفهولك في إيميل أو ميسد كووول حني

نـــــــور said...

ماشاء الله تبارك الله ، اخبارك دي اثلجت صدري بصراحة ..

أيوة كدا .. حسيت ان في ايجابية في الناس بدأت تتحرك .. بدل ما الواحد زهق من كلمة وانا مالي وماليش دعوة وكل واحد في حاله

ربنا يبارك في كل واحد ايجابي ويبارك في حضرتك على نقلك للحاجات الجميلة دي

***************

لك شكر خاص على مدونتي اتمنى ان تتكرم بزيارتي .. وجزاك الله خيرا

ياسر مدني ...دينامو الإخوان said...

الأخت نور جزاكي الله خيرا
بصراحه أنا دخلت علي مدونتك وده كتير أوي..وانت اللي تستاهلي الشكر بجد والله
ويا رييت تكمليها معانا في مشروع اللجنه في الصعيد

mazlomen said...

أدعوك للمشاركة في الحملة ضد جريدة المصري اليوم

زوروا مدونة مظلومين للتعرف على الحملة وأسبابها وأهدافها

كن إيجابيًا وشارك وقل
لا للكذب والتلفيق

مالك مصطفى

محمد على ..هي كده said...

يا الشعب المصرى خالص فاق خلاص بجد


اضطرابات عماليه

صحوة طلابيه

بجد خلاص قريب هيجى التغير اللى كلنا مستنينوه

mazlomen said...

أيه ياعم الدينامو

أنت غاوي مصيبة وتشبع فيها لطم

أيه ياعني شوية شباب غرقوا عند ايطاليا

وألف واحد من قبليهم غرقوا في البحر الأحمر

وكام ألف ماتول بالسرطان

وكام ألف تانيين غيير الأولنيين ماتوا من التعذيب والمعتقلات

ما تحبكهاش

عبد الرحمن مدني said...

فضايحك كتير اوى ياي ياسر بسالمهم ان ربنا يسترها معانا ومعاك

وياريت لكل زوار ياسر مدنى الدخول على اخوان ستايل
http://ikhwanstyle.blogspot.com/
ويارب تعجبكم

nonoymm said...

طفطف
طب ما يجيبوا تو توك احسن
الله يعينك ويعينهم امال لو فيهه طالبة متزوجة وحامل هتعمل ايه
معلش اطلبوا العلم ولو في الصين

gmsherbini said...

بعض الصور غير مصرية
و يا ريتنى هندى

المسلم الصغير said...

السلام عليكم.. كل عام وأنت بخير.. أنا مسلم.. نعم اسمي مسلم.. أنا سعيد والحمد لله بميلادي مع شهر رمضان المبارك وسأكون سعيدا أكثر بزيارتك..