أنا إتفصلت يا جدعااااااااااااااااااااااااان

علي رأي أحد أقاربي المهندسين...يعني لا نافع شاي بلبن ولا نسكافيه ..طيب أشربلهم إيه مخدرااااااااااااااات طبعا كلكو عارفين اللي حصل في الجامعة .....وعارفين إن الإخوان في قنا ليهم وضع خاص في الشغل ...وأتحدي إن حد السنه دي يكون سمع إسم الإخوان في الجامعة...طيب يفصلونا ليه ..طب وحنا عملنا ايه..أنا وحشه ولا ايه...اه لا مؤاخده ده أنا دخلت في الأغنيه...المهم نعمل مظاهرات يفصلونا ...نبطل بردوا يفصلونا ...البنات عملوا إضراب ...إحنا مالنا...ولا لازم يقفلوا محاضر ولا بيقبضوا من هيئه الفصل الدوليه ..ولا عاملين إشتراك سنوي ولا إيه الموضوع بالظبط...الحقيقه بعد كل ده ...بنصح كل شاب وكل فتاه ...وكل طالب وطالبه....وأقول لكم لما هو مش نافع لا شاي بلبن ولا نسكافية....يبقي لازم تشربوا مخدرااااااااااااااااااااااااااااااااااااااااااااااااااااااات (ملحوظه..طب فصل الإخوان بتهمة تحريض البنات علي التظاهر..راجع البوست قبل اللي فات)؟؟
ولسيادتكم جزيل الشكر
تحياتي
هيئة الفصل الدوليه

38 comments:

عصفور المدينة said...

أعانك الله وردك سالما ورد كيدهم في نحورهم

عصفور المدينة said...

ياسر ماذا تقترح
ياريت لو توجه دعوة محددة بالإجراء المطلوب
وربنا يفتح لك قلوبا وآذانا إن شاء الله
وسأضع رابط لهذه التدوينة عندي

أميرة محمد محمد محمد said...

هههههههههه
أسلوبك كوميدي في نقل مصيبه زي دي
بجد ربنا معاك انت وكل اللي اتفصلوا
باذن الله ترجعوا تاني

Unknown said...

بجد حسبنا الله ونعم الوكيل

انا مش عارفه هم عايزين ايه؟

لو عملتو بانر اعتراض علي الموضوع ده قولي وانا احطه عندي

اصل ماينفعش كل يوم يفصلوكم كده ومستقبلكم يضيع

Dr.khaled said...

نبارك يعني يا ياسر ولا ايه؟؟؟
شكلك مبسوط وطهقان من الكلية...
ولسان حالك
بركة يا جامع :)

ربنا ييسر لك امر يا اخي

Anonymous said...

فداالسلام عليكم

فصل مرة واحدة ؟؟؟؟!!
ايه دا
ربنا يعينك
هتعمل ايه ؟


فدا

عبد الرحمن مدني said...

ربك يسهلها

ابو صهيب ( الجمعاوي الاصيل)سابقاً said...

ان الله اذا احب عبداً ابتلاه
ايه ياعم ديناموا الحمد لله احنا اقل وطئه منكم
احنا عندنا بعتولنا انذارات بالفصل وفقط ومنتظرين جوبات الفصل الله لا يجبها

السينيور said...

يا عم عادى ولا يهمك

محنة وهتعدى ان شاء الله

بعد سجال وشكاوي والذي منه

هترجع

دى كلها امور شكليات

وانا لما كنت في الجامعة كانو ناس اخوان ياما بيتفصلو ويرجعو تانى

عادى يعنى

ربنا معاك ويوفقك وينصركم يا رب

تحياتى

طارق قاسم said...

السلام عليكم يا عم المفصول
اجرك الله في مصيبتك
وجعل ذلك الامر في ميزان حسناتك
انا صحفي اسمي طارق قاسم
لو تحب نشر حاجة عن هذا االموضوع او عن االشغل في جامعة قنا عموما
تحت امرك
يااريت تخاطبني على الايميل الاتي لو امكن
kassim2004@hotmail.com

الفاتح اليعقوبي said...

ربنا يعينكم ويقويكم ويصبركم علي مابلاكم
هيئة الفصل الدولية
والسلام

عبد الرحمن مدني said...

madany_are@yahoo.com

Unknown said...

اخي انت حر وراء السدود:::اخي انت حر بتلك القيود
اذا كنت بالله مستعصما::: فماذايضيرك كيدالعبيد
اخي هل تراك سئمت الكفاح :::والقيت عن كاهليك السلاح
فمن للضاحايا يواسي الجراح ويرفع رايتها من جديد
اخي انني اليوم صلب المراسي :::ادك صخور الجبال الرواسي
غدا سااشيح بفأس الخلاصي :::رؤوس الافاعي الي ان تبيد

الفقير إلى الله said...

ههههههههه ايه يا حاج دينامو مبسوط ليه كدا ربنا معاك يارب ويتقبل منك معلش هم فعلا عايزينا كدا نشرب مخدرات والذي منه لا عايزينا ندعوا لله في المساجد ولا عايزنا نشتغل في الشغل السياسي امال عايزنا نعمل ايه نفجر نفسها ولا نعمل زي ما بتقول حسبنا الله ونعم الوكيل فيها معلش ربنا يعوضك خير ان شاء الله

http://kasperb4.blogspot.com/ said...

لاحول ولا قوة الا بالله
إنا لله وإنا إليه راجعون

ربنا ييسرلك الحال وترجع تاني متقلقش
ممكن بس يكونو عايزين يعملو زي كارت ارهاب كده
بس حاول على أد ما تقدر انك متسكتش واعمل كل اللي تقدر عليه
وربنا المستعان

Aml Ghonaim said...

لا حول ولا قوة الا باللـــــــه ؛
هي باذن الله لاتعدو عن كونها أمور شكلية ... وبعد الشكاوى هترجع تاني ...
فقط : احتسب الوقت الذي تقضيه الآن : أنه من أجل أن تكون كلمة الله هي العليا ؛ ولا تجعل الشيطان يذكرك بحظ نفسك ...
عجل الله لك الفرج ....

سوكــا said...

تاااااااااني
هما مبيزهقوووووش
لا بس المرة سبب مقنع فين الاسباب اللي انت كنت بتقولها للفصل اللي قبل كده
(:
ولا احسن ده يكون فصل نهائي مش زي الباقيين

مقلتليش صح هو ده الفصل رقم كام في الكلية دي ياياسر

(:

مش قولتلك يابني حول اسكندرية احسن ... علي الاقل بيبقي اسباب الفصل هنا ارحم من الاسباب بتاعة قنا

بجد حسبي الله ونعم الوكيل فيهم

ياسر مدني ...دينامو الإخوان said...

الأخ عصفور المدينه
جزاك الله خير علي تضامنك معي
أنا أقترح عما بنر (لا للفصل التعسفي في الجامعة)وكلنا ننشره..لوحد عنده بنر ينشه ولو محمدش يومين كده وإن شاء الله نعمله

الأخت أميرة
جزاك الله خير علي الدعاء

الأخت إسراء
وإستني مني البانر

ض/خالد
الله يبارك فيك يا سيدي

الأخت فدا
شكرا علي الزيارة والتضامن

الأخ جمعاوي
اللي إداك يدينا يا سيدي

ياسر مدني ...دينامو الإخوان said...

الفاتح اليقوبي والجعفري
أنتظر منكم المزيد..وجزاك م الله خير علي الكلام الجامد ده


إلي كل المدونين المتضامنين
مش عارف أقولكوا ايه والله
جزاكم الله خير


بنت عمتي(عارفينها طبعا)مدونه كيفي كده
المره اللي فاتت يا ستي كانت أسباب الفص اللي فالوه في مجلس التأديب
1-انت متهم بنشر الفضيله وحث الطلبه علي قيم الصلاه والقيام والإيجابيه


عبد الرحمن
ماشي يا باشا

Anonymous said...

يعنى أنت أول واحد يتفصل يا ياسر

الحمد لله مهما يعملوا برضه

الطلبة كلهم حركة ونشاط وإن شاء الله ربنا مع الجميع

بس أهم شئ حاول تعمل حاجه مش تتفصل وخلاص كده

لازم صوتك وصوت الطلبة كلهم يوصل وتقولوا مطالبكم اللى عاوزينها لا يهمكم الفصل ولا غيره

Mo7amed Elbery said...

بعيداً عن كونك من الأخوان ـ وانا مبحبش أنتمي لتيار معين في حُبي وعشقي للسياسة او حديثي عنها ـ بس دا نظام بلدك ـ ومهما حصل هنفضل مُكبلين بقيود ـ الغباء والسذاجة والسلبية ـ ومش هنتحرر من اللي احنا فيه ـ ونفسي اعرف امتى هيجي وقت ونتكلم ونقول للظلم لأ ـ وامتى يرجع لكل واحد حقه وماله وعمره اللي بيتسرق

ـ على العموم ربنا يعينك ويصبركـ ـ بس
احمد ربنا ـ والحمدُ لله على كل حال ـ له ما اعطى وله ما اخذ :)

ابوزياد الفاتح said...

حسبنا الله ونعم الوكيل

"يا ايها الذين امنوا اصبروا وصابروا ورابطوا واتقوا الله لعلكم تفلحون"

ربنا معاك باذن الله

رفقة عمر said...

ربنا يرفع الظلم عنك اللهم امين
وان شاء الله ترجع تانى

نـــــــور said...

لاحول ولاقوة الا بالله

احنا في أسيوط زيكم تمام نفس المهزلة
والسنة دي فعلا مزودينها بشكل غريب مع طلبة الاخوان .. من غير مايعلموا اي حاجة بنشوف قرارات الفصل بتاعتهم متعلقة في كل حتة في الكلية ..

الكارثة انها فوق انها قرارت فصل بدون وجه حق .. كمان تعسفية جدا .. فصلوا اكثر من طالب في اولى وثالثة ورابعة الترم الأول كله .. يعني كدا الطالب !!هيعيد السنة

حسبنا الله ونعم الوكيل ، ولاتحزن يا اخي واعلم أن الله معك .. ومن يتوكل على الله فهو حسبه .. ومن يتق الله يجعلا له مخرجا

ربنا يكرمك ويبارك فيك .. واحتسبها بأجر من عند الله

ياسر مدني ...دينامو الإخوان said...

الحشري
جزاك الله خير ..بس أنا معايا سبعه يعني مش لوحدي ..ومش أول واحد كمان

Mo7amed Elbery
أنا شايف عكسك تماما..مهما عملوا حنرفض نكون مكبلين...ولا حظ إن الحريه تنتزع ولا توهب...وبردوا مهما حصل مش حنكسكت ...أنا عرلاف إن انت تأد كده بس خانك اللفظ

أبو زياد ورفقه عمر
جزاك الله خير علي الدعاء والتضامن

الأخت نور
حمد الله علي السلامه فينك من زمان..ولا مفيش معرفة(معرفة تدوين) خلاص..علي العموم أنا متابع أخبار اسيوط وربنا يصبر الإخوه...علي البلاوي اللي عندكو

بالحق قادمون...لا لجرائم أمن الدولة بالمنوفية said...

اليوم إخلا ء سبيل إخوان المنوفية

أخـــ مسلمة ـــت said...

تعازينا الحارة

أنتم السابقون

و نحن بكم ان شاء الله لاحقون

من قنا للزقازيق يا قلبي لا تحزن

الأمن واحد والعميد واحد و رئيس الجامعة واحد

كلهم نسخ بالكربون

حسبنا الله و نعم الوكيل

جعل الله محننا في ميزان حسناتنا

صريح أوي said...

جعل الله ذلك في موازين حسناتك
انت بتقول اتحدي لو حد سمع اسم الاخوان في الجامعة السنة دي
... ههههههههههه ماهو ده سبب الفصل ..
انت وإخوانك بعدم شغلكم وقفتم شغلهم
علشان كده فصلوكم ههه
المهم دي حاجة جميلة جدا وعلي رأي د أحمد زكي بدر رئيس جامعة عين شمس
ويا بخت مين بات مظلوم ولا بات ظالم
لي تدوينة بعنوان لا تجزن .. من فضلك اطلع عليها وانشرها بين إخوانك
ويبقي جزاكم الله خيرا

مدحت محمد said...

الله يكون فى عونك ياياسر
هما مستقصدين الاخوان دايما
انا اعرف كدة من ايام ماكنت فى جامعه
وحتى برضه ليا صاحبى اتفصل نهائى من وظيفته
بع ماربنا كرمه ببنوتة زى العسل
بتهمة حفاظا على الامن العام

ياللا حسبنا الله ونعم الوكيل

حور الجنة said...

احنا برضوا عندنافى تربيه بنى سويف
بيفصلوا الاخوة من غير حاجه
عموما ربنا معاكم
و على قدر اهل العزم تؤتى العزائم

ammola said...

فرج الله همك
انا رايى ان علشان تفوتوا عليهم فرصة انهم يفصلوكم بلاش تروحوا الجامعة من اساسه وهو ده يعنى تعليم بجد
ربنا ينتقم من كل ظالم ويعينكم

Anonymous said...

أجارك الله أخي الحبيب في مصيبتك وأخلف عليك خيرا

بالفعل هم عايزنا نشرب مخدرات ونكبر الجمجمة ونعرف نشيت صح لزوم الروشنة

لكن يمسكوا النجوم أقرب من أنهم يجعلوا منا هذا النموذج


أخي الحبيب لا تهتم فوالله إن الله لا يبتلي العبد إلا إذا أحبه فهنيئا لك هذه المبشرات بأنك تسير عل االطريق الصحيح

صاحب البوابــة said...

حقات انا حزين لأجلك ولأجل مصر كلها

أبو دجانة said...

اهم حاجة ميكنش حرمان من الامتحانات . قول الحمدلله على كل شئ ..
وهما فعلا تجميلا لوشهم أمام أمن الدولة بيقوموا فاصلين كام واحد كده من اسماءطلاب الإخوان اللى بيبقوا عندهم سواء كانوا موجودين فى الحدث ولا لأ .

Unknown said...

ياعم عادي
ما كلنا اتفصلنا
الفصل للجدعان
اصبر واحتسب

عبد الرحمن مدني said...

السلام عليكم
كبر دماغك يا عم ياسر
انا كمان جالي انذار فصل ب14يوم
عـــــــــــــادي

Anonymous said...

أحلي حاجة إنهم ما بيفصلوش الطالبات غالبا كده الطالبات يعملو اللي عايزينه وهمه مطمنين وحضارتكم اللي تتفصلو عموما ربنا يكون معاك

Anonymous said...

السلام عليكم ورحمة الله وبراكاتة
انا متأسفة جدا لما حدث لك .... لكن اصبر فان الله مع الصابرين وان الله لينصرك ما دمت لم تجنى اى ذنب او اى خطأ
وايضا اسفة بالنيابة عن الاخوات رغم انهن لم يكن لهن ذنب ... بس معلش خليها علينا على فكرة انا لست من اخوات جامعة قنا ولكن انما المؤمنون اخوة واكيد المؤمنات مثل المؤمنين اخوات
وعلى فكرة عندنا فى جامعة حلوان شاب اخذ اسبوع رفد لية علشان كان معاه مخدرات ولكن واحد من الاخوان خد سنتين رفد بسبب انة يقول ربى الله والرسول قدوتى
فانا لله وانا الية راجعون
من
توتا المسلمة