بدايه أنا اسف علي تاخيري عن التدوين لفتره وده إعتذار لربي وتقصيري في الجانب الذ طالما عاهدت الله علي أن يكون جزء من دعوتي
ثانيا التاج ده نفسي كل الناس ترد عليه حتي الناس اللي مش حطلب منهم يردوا وبالله عليكو بالله عليكو.... يلا نجدد النيه...شكرا علي التجديد..هاه... يلا بين؟؟؟؟؟ا...يلا بينا
هل تحرص بصدق علي تجديد النيه قبل الدخول علي النت؟؟؟
أنا بصراحه أحيانا بنسي وأحيانا بجدد النيه في النص كده ..بس والله بحاول أجتهد في علي قدر إستطاعتي في تجديد النيه ويارب يا الله سامحني علي التقصير
ما رأيك في جريده الدستور؟؟؟
أنا شخصيا شايف إنها مش حلوه وهو ده إللي في قلبي..لكنها أحلي الوحشين وخصوصا بعدما سائت ظروف الصحافه ولم يعد هناك جريده صاحبه رساله حقيقه ربانيه...فهل تشعر فعلا إن المسئولين في جريده الدستور ربانيون
ما رأيك في شويه المدونات دي..(أنا إخوان..إبن أخ..حلم الحريه..مش حاسكت..جهاد المصري)؟؟
بالنسبه للأولي ..أحب أوضح إني مش بخشها زي الأول لكن رأيي فيها إنها ممتازه بس بنسبه 89%وده لأنه مبقاش زي الأول في دايره إنتشاره تعامله مع الناسوالمدونين ..وهنا السؤال..هل انت راضي عن شغلك يا أخ عبد المنعم أو السؤال بطريقه أوضح ...أنهي أريحلك قبل السجن ولا بعده؟؟
وبالنسبه للتانيه..أنا بحب كل أخ وكل أبناؤهم ولذلك أنا بفضل أدخل عنده بس مقرأشي حاجه
بالنسبه للمدونتين التانيين ..أنا بحب حلم الحريه جدا وبحب صاحب المدونه (مش حاسكت)ومقدرشي أقول أكتر من كده عشان هم بصراحه ومن غير كدب ولاد عمتي
هل بعد قراءتك للإجابتين إللي فاتوا ..حسيت إن أنا أيه؟؟ولا تنسي الصدق.؟
أنا بصراحه حاسس إن ...ولا خليها بظروفها
هل تثق في جريده الدستور؟؟؟
بصراحه جريده الدستور عندها مصادر مش عند حد للبحث عن الأخبار ..ولكن...ده ميخلنيش أثق فيها الثقه الكامله
أنا بحبكو في الله..فهل تحبونني...ولا تنسوا الصدق؟؟
خلي إجابه السؤال ده ليكوا
هل تعمل في السياسه والعمل العام أكثر من الربانيات والروحانيات؟؟؟
بصراحه أنا بفضل الروحانيات ..بمعني لو عندي وقت فاضي أقرا قران بدل النت ولو عندي وقت غيره أصلي لله وبحب قيام اليل وبحب الحب جدا وخصوصا لو كان لله..ولا تنسوني من صالح دعائكم
هل الدستور تحب الإخوان,,ولا بتستغلها؟؟
الدستور في رأيي تلجأ إلي الإخوان لأنهم الأقوي في الشارع..يعني ليه عبد المنعم يحرر صفحه ..وليه الدكتور عصام يكتب فيها مقال إسبوعي وميظهروش غير بعد ما إتقفلت جرايد الإخوان والمواليه ليها من قبل..والإخوان بالنسبه للدستور من وجهه نظري زبون لقطه ..إحنا محتاجين ننشر فكرنا وهم محتاجين لقوتنا وشعبيتنا ولكن المنفعه الحديه ليهم أكيد أكبر لأننا حاجه كبيره بالنسبه له وهم مجرد وسيله سهل الإستغناء عنها
أنا حاسس إن انا خرفت أو رغيت كتير علي العموم أنا حمرر اللتاج علي كده وإعذروني لإني عايز الناس كلها ترد علي التاج
جهاد المصري&حلم الحريه&بنت الجنوب&إبن أخ&مش كاسكت&أسماء العريان&فاروتا المصري&عيون ضيقه&كلام غي الممنوع& شباب روش طحن&عاشقه الوطن&إمام الجيل&عصفور المدينه&مشروع بطل
كما أرسل هذا التاج إلي كل مدون يحب الله والوطن ويعمل من أجل رساله ربانيه
23 comments:
إجابات رائعة
جزيت خيرا
ادعوكم لزيارة مدونتى
http://ana-mahzora.blogspot.com/
أنا محظوووورة
ايه التاج الجميل ده ياياسر
والله يابنى تاج مختلف تماما
وان شاء الله هجاوب على التاج
شكرا ليك
وحمدلله على السلامة
ايه التاجات الجديدة دى
ربنا يكرمك
بس مالك ومال الدستور معقداك ليه
شكرا لانك افتكرتنى
ادعيلى بقى وافتكرنى وانت بتصلى
أخي الحبيب ياسر جزاك الله خيرا التاج ده جميل جدا وهادف
أولا أنا أخوك المهندس محمد (عصفور المدينة)
ثانيا أنا لست من الإخوان تنظيميا وإن كنت حاحاول أجاوب على التاج بس هو متخصص جدا بس فيه تاج أنا مجاوب عليه في الدرافت ولازم أنزله وبعدها سأفعل إن شاء الله سعدت بزيارتك
الف الف مبروك
المهم باقى الرجله عملت ايه انا عارف انى مقصر بس بجد ادعيلى يا ياسر
ادعيلى تخلص كل محنى بسلام وكمان النتيجه دى هتجننى لس مظهرتش لغايه دلواتى
ربنا يستر
وجزاك الله خير
والف الف مبروك يا معلم
تحياتى
ادعيلى يا ياسر بالله عليك
أخى دينامو
ان شاء الله حجاوب على التاج وانزله
السلام عليكم
حمدلله على الســلامة
انا بجيب الدستور بس مش بألحق اقراها
ههههههههههههههه
ربنا يسهل واقدر اعمله
اجابتك لذيذ اووى وصادقة يا عمو ياسر جزاك الله خــيرآ
الأخت ساره حاضر حزور مدونتك
ولو كنت محظوره فا انا ولله الحمد والعيله والاسره الكريمه كلها رد سجون ...بس سجون إخوانيه
الأخت عاشقه الوطن....أنا مستني إجابتك ورنا يعزك
إمام الجيل ...والله أنت أجمل ويا رييت نسأل علي بعض أكتر من كده
الأخ عصفور المدينه...الأخوان أخلاق وسلوك إسلامي قبل ما تكون تنظيم وربنا ينولك إللي في بالك
محمد العناني ...الله يبارك فيك وربنا يوفقك وانا بدعيلك والله من غير ما تقول ده انت عشره يا ابني
الأخت أماني .....وانا كمان بجيب الدستور لاي لازم أقرا جرايد وزي ما قلت إني رأييي فيها إنها أحلي الوحشين
الاخ العزيز ياسر
اولا دي اول مرة أدخل عندك المدونة ودا عن طريق مدونة شهروزة
ثانيا ليا كام ملاحظة ارجو انك لا تتضايق منهم
التاج دا غريب شوية وعجيب وعامل زي جداول المحاسبة اللي المفروض محدش يقراها غير اللي عاملها مثلا ايه دخل حضرتك بنيتي لما بدخل النت وازاي اجاوب كده قدام الناس واتحري الصدق وهو اساسا سؤال موجهه
التاج سمك لبن تمر هندي
ايش جاب الدستور للنية للحب في الله وأيه اللي دخل الناس في العلاقة بين الاخوان والدستور؟؟
ازاي شاب جميل زيك كده مش عارف يفرق بين مدون أخواني ممكن من باب المجاملة يرد علي التاج الغريب دا ومدونين مختلفين تماما فكريا وعاطفيا واهتمامتهم مختلفة جدا وحيكون رد فعلهم إيه علي تاج أخواني جدا ولغة أخوانية بحتة؟؟
في حاجة في الدنيا أسمها أنتوا بتحبوني ولا لأ؟؟
يعني إزاي؟؟
هو مين حضرتك أصلا؟؟
والناس تعرفك منين؟؟
في حاجة في مهارات الاتصال أسمها مهارة طرح الأسئلة أرجو أنك تحاول تقرا في الموضوع ده
لأن الاسئلة الموجهه أسئلة ليس ليها أي قيمة
ياريت تفهم أن التدوين مش جلسة في مسجد أو خطبة علي منبر أو لقاء أسرة
ممكن جدا يكون التاج رائع وجميل وجديد لو كنت خليته بريفت شوية ومررته لناس أنت تعرفهم كويس وطبعا يكونوا أخوان
أسف لو الكلام حاد شوية بس حبيت أنصحك وطبعا أنت حر فيما تكتب وتبتكر من تاجات جديدة
بحري من اسكندرية
شكلي اتاخرت خير
شكرا علي ارسالك التاج
وان شاء هجاوب عليه
بس كمان يومين كده وهبعت ان شاء الله لناس تانية
رائع يا دينامو
فكرة جديدة وجميلة
....................
ندعوكم للمشاركة بإستطلاع مدونة وطـــــــــني
هل تؤمن بوجود فتنة طائفية بمصر؟
ايه التاج الطفولى ده....
ده ولا ميس نجوى بتاعة حضانة الزهور
يا بنى انت بتقول كلام انت مش فاهمه
ايه اللى دخل الدستور فى الاخوان فى النوايا
فى عبد المنعم
روق كده
يا بتاع النقض انت يا عسل
زواري الأعزاء
شكرا علي الهجوم الحاد ده
بس انا والله مش زعلان
بالنسبه لبحري
انت بالذات مش زعلان منك خالص ...طبعا لان انا من اسكندريه وعارف بتوع بحري كويس ومش غريبه يعني...
بغض النظر عن النقض أنا كان أصدي في البدايه أذكر الناس بالنيه..فقط لا غير
ثم إني مبعتلكيش التاج..معلش أصل أنا بردوا إسكندراني
ثانيا لما كان سؤال الحب والفكره اللي ختوها عني ..اكن أصدي أهزر معاكو في نص التاج...وأعمل عشره مع الناس إللي حيجاوبوا
أما بالنسبه للناس اللي ملهمشي دعوه بالإخوان فلحد إمتي حنفضل نشتغل علي بعض
أنا رأيي لاوم نشاركهم في كل حاجه
أما بالنسبه للسؤال مين حضرتك
أنا ياسر مدني
وشكرا علي النقض وجزاك الله خيرا
أما بالتسبه للأخ anonymous لأظن ألإجابه اللي فاتت ليك بردوا
وربنا يخليكوا ليه وانا عارف ان انتو بتقولوا كده عشان عايزيني أبقي أحسن
وربنا يكرم الجميع
فى ايه يا جماعة من حق اى حد ينقد ولا لكن باحترام مشاعر الاخرين لان كده بصراحة مش اسلوب حوار
اوعى تزعل نفسك يا عم ياسر
صـبرآ يا ال ياسر
عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
ليك تاج عندى
اولا السلام عليكم
ثانيا اسم تاج دة مش لايق كدة بصراحة انا نفسى نسمية كرسى الاعتراف
المهم
جزيت خيرا على المجهود الطيب
وجعلة الله فى ميزان حسناتك
اخوك
قلب ابيض
وان شاء الله قريب هجاوب على التاج دة
السلام عليكم
على فكره انا مش صاحب مدونه ده اولا
وثانيا
اخى ياسر انى اشهد الله انى احبك فيه
وثالثا جزاك الله خيرا على هذا التاج الجميل
فانت دوما مبتكر كما عهدتك
انت تسأل من انا
انا واحد يفخر بانه كان ساكن معاك وشاهدك عن قرب
اخوكm.k
qenawy
قلب كبير
شكرا علي النصيحة وعلي العموم ممكن تسمية زي ما انت عايز
أماني
أنا حرد بس إستني عليه شويه
وانا اسف ويا رييت ما تزعايش
الأخ قناوي
إني حبك في الله
السلام عليكم
مش هدخل فى الخناقات اللى شغالة لانى اصلا ليا فترة مش كنت بتابع المدونات عموما
وبدأت اتابع المدونات
المهم انا مررت تاج ليك
سلام عليكم
Post a Comment