بمناسبة شهر رمضان ....إعتقلوا كوادر الإخوان




والله وبصراحة أنا مش عارف أقول إيه....أنا كنت في الصعيد اليومين دول عشان بصيف ومحدش يقول نعم بإستغراب!!!؟؟؟ أصل أنا صحيح إسكندراني بس أصلي من الصعيد ..وأبويه كان عايز يزور بلده وأنا قلت أروح معاه وخصوصا إنه رايح ورجله مكسوره...المهم خلينا في موضوعنا .... وانتواعارفين طبعا إن الحمد لله الأخبار في الصعيد سهلة جدا إنك تعرفها ..عشان كده عرفت النهارده بالتليفون من أخويا الكبير وبالمناسبة إنهارده 20/8 ....!!؟؟؟
المهم عرفت إن في من كام يوم كام كادر من كوادر الإحوان قال إيه ...!!إتقبض عليهم وكل سنه وانتم طيبين و ..وإزيكم إزيكم أنا جاي أرمضن عندكم.....شوف إزاي ؟؟؟



علي العموم مش هية دي المشكله المشكله حاجه تانيه...أنا كنت بفكر فيها كتير بصراحة....بما إن النظام عايز يتخلص من الإخوان لازم يضرب في العمود ..ولكنه بجهلة أنا شايف إنه معرفشي يضرب في العمود بجد والله عارفين ليه لإن مش هم دول عمود الإخوان ...وواضح إن زيهم زي غيرهم لما فكروا إن إغتيال البنا يقضي علي الإخوان ودول بردو شايفين إن القبض علي الكوادر يقضي علي الإخوان ...ولكن هيهات هيهات...ده عمودنا السنة والقرآن...



كذلك لابد للبناء من حجر ............ يصيبة أو يصيب الطين أردانا



وده لإن أجهزة النظام الفاشلة حتي في محاربة طوائف الإصلاح تتميز بالغباء والبلة وأظن واضح إنهم مبيتعلموش ...وعلي العموم إحنا إللي لازم نعرف إن إحنا مش حنخش الجنة ببلاش ...وإللي متقبضشي عليه ربنا حيبتلية بحاجه تانية غير السجن ..والسجن للجدعان ..والصبر من عند الشجعان ..وحنفرح ولكن عشان رمضان وفرحتنا طاعة للرحمن ..إيديكم في إيدنا نجدد عهودنا ده إحنا في سفينة وموجها علينا عالي وخطير ... وإنما يوف الصابرون أجرهم بغير حساب ..واللي بيحصل ده كله بدايه النصر ..وكل سنه وانتم طيبين..واللهم بلغنا رمضان
وبشر الصابرين






آه صحيح بالمناسبة إنتظروا مني فوازير رمضان للمدونين فقط والجايزه محفوظة والفوازير يومية



خلق وصحاب
لأحد الشعراء الكبار





16 comments:

أخت مسلمة said...

مفيش حد ما يعرفش مدي غباء الامن

هما اصلا لو بيفكروا مش هيعملوا في اهل بلدهم كده

و ليهم مواقف تموت من الضحك زي لما كان مخبر بيراقب اخ و ماشي وراه خطوة بخطوة زي ضله
الاخ وقف وقال لازم اعرف هو عايز ايه
راح ساله
المخبر قاله اصل انا براقبك
شفتوا اذكي من كده
---------
ختم لله علي سمعهم و علي ابصارهم

ربنا يهديهم او يهدهم

في الحالتين هنرتاح

---------
بوست جميل


في ميزان الحسنات ان شاء الله

قلب أبيــض said...

السلام عليكم
بصراحة فكرة فوازير رمضان دى فكرة ممتازة
ولو حبيت انك تدخل بها معانا فى ملتقى رمضانى للمدونين ودى هتبقى مدونة خاصة برمضان
يبقى كويس وتبقى انتى اللى هتشرف عليها وتعدها طبعا
مستنى رايك
وان شاء الله الاملتقى هنعملها بكا او بعد بكرا بالكتير وهوريها لك اكيد ان شاء الله

امام الجيل said...

نسال الله ان يتم شفاء والدك على خير
واما الاعتقالات المرة دى قوية اوى بينقوا يعنى مش اى حد والسلام هما مرعوبين جدا جدا على فكرة بس فاكرينها هتقف ميعرفوش انهم بكده بيعدوا كوادر جديدة وبيحطوهم فى محك صعب يعنى تدريب ربانى وبيزيدوا فينا حماسنا
لا تحسبوه شرا لكم

اصرار أمل said...

شفى الله والدك ......
دى حملة اعتقالات كبيرة وقوية ؛
أسأل الله أن يرفع عنا ؛ ويكشف ضرنا ...
******
موضوع المسابقة الرمضانية ؛
فكرة قيمة للغاية ....
جزاكم الله خيرااا ...
وأعانكم على تنفيذها ......

عصفور المدينة said...

ربنا يفرج كربهم ويفك أسرهم

محمد على ..هي كده said...

كل سنه وانتوا طيبن وعقبال كل اعتقال وانتوا بخير


هذه ضربيه حب مصر


هذه وسام الانتماء لهذه الجماعه الكريمه


فلابد ان نفرح لا نحزن

طال الليل said...

حسبى الله ونعم الوكيل
أنا حزين طبعا لأنهم يعتقلون الشرفاء لكن أيضا حزين لأن حكامنا بهذا الغباء
يحسبون أنهم يمكنهم محاصرة الأفكار والعقائد
ربنا يشفى كل مريض
فعلا أخو الجهالة فى الشقاوة ينعم

EmY said...

اكيد الحمله ليها سبب لازم يكون في ردع لتمادي الاخوان الزايد

mazlomen said...

دي دورة إيمانية للأخوة عشان يقدروا يكملوا الدعوة

شكرا للغباء الأمني

أمــانــى said...

ربنا يفرج كربهم ويفك أسرهم ياااااااااارب آمـــــــــين
الف ســلامة على الوالد وربنا يشفيه ياااااااااااااارب آمـــــــــــين
مالولما تصيف فى الصعيد الجووووو جمـــيل ولا حر ولا حاجة
:D
وكمان مفيش رطوبة
هنتابع الفوازير وعايزة الهدية توصل كمان يعنى مش كلام وبس
:D

هاني جابر said...

شارك معنا وانضم الينا في لجنة الدفاع عن سجناء الرأي وحقوق الإنسان
شارك معنا بارسال حدث وتفاصيله لكي نفضح الظالمين ونفضح مهازلهم
انضم إلينا في يالا نفضحهم
www.dahayaa.com

تجمع المدونين الطامحين في وطن عربي بدون سجين رأي واحد said...

يلا نفضحهم
مدونه تمثل بدايه عمل جرىء و قوى
عن طريق لجنه بدأها و يرئسها الأستاذ / "محمد عبد القدوس" بالقاهره
والدكتور / " إبراهيم الزعفرانى" بالاسكندريه
هدفها فضح جرائم هذا النظام
من تعذيب و هتك أعراض و تزوير و و و و و
شارك معنا بمدونتك
عن طريق وضع رابط لنا على الاقل
لوضع الرابط برجاء الدخول على المدونه و نقل الكود الموجود بداخلها
Yallanefdahom.blogspot.com
نحن نسعى لتجميع اكبر عدد للمدونين لعمل شبكه ضخمه من المدونين تجعل كل من تسول له نفسه أن يعذب او يزور او يرتشى أو أو أو
أن يفكر الف مره قبل الأقدام على ذلك
نرحب بأى مشاركه على بريد المدونه
efdah@yahoo.com
إفضحوهم

Mostafa Saad said...

ياعم الحاج ياسر الحاجة بتاعتك قديمة جدا فين الجديد بتاعك مستنيين ؟؟؟؟؟

وضـّاح said...

وبمناسبة اعتقال االكوادر

اعتقلوا الناس في المصايف

وبمناسبة أي حاجة هيعتقلوا أي حد

معلش .. الحكومة عاملة زي الثور الذي يلفظ أنفاسه الأخيرة

صانعة الحرية said...

السلام عليكم
اللهم فك قيد اسرانا واسرى المسلمين
ولذلك ادعوكم جميعا للمشاركه فى حملة معا من اجل حرية المعتقلين
http://sona3al7iah.blogspot.com/2007/09/blog-post_08.html

أمــانــى said...

كــل رمضان وانت بخير وربنا يبغلك رمضـان
ويجعلك نافع للامة ياااااااااارب آمــــــــــين
ويبغلك رمضــان ياااااااااارب آمــــــــــين