صحيح أيام إمتحانا وكنت عايز ...بس انت أولي

والله في ايام الإمتحانات انا مش بعد علي النت كتييييييييير ولما بعد علي النت كنت أفضل إني انزل الجزء التاني من حلم الحريه للأستاذ وليد الرفشي بس بعد الكلمتين اللي قرأتهم في اخر التاج اللي بعتهولي إمام الجيل ..قلت انت أولي برده وبسم الله إستعنا علي الشقه في سبيل الله


أنت مين؟

ايه يا عمنا انت مش واخد بالك ولا ايه؟؟؟ياسر مدني ومن اسكندريه ..انا عارف ان انت مش عايز الإجابه دي بس بصراحه انت جيت علي الجرح والله
..لأنك إن سألت القوم عني من أنا ..من انا؟؟.انا مؤمن ساعيش دوما مؤمنا فليعلم الفجار اني ها هنا...لن انحني ..لن انثني ..او أركنا
ده لو سألت القوم أما الصراحه
أنا من علمت المذنب العاصي الذي عظمت خطاياه فجاءك يهرع
كم بت ليلي كله متثاقلا وذوو التقي حولي قيام ركع
أنا إن عصيت فذاك من نقصي ومن غير الإله له الكمالالأرفع

مش بقولك انت جيت علي الجرح ...علي العموم شكرا علي السؤال اللي يوجع ده

مين اكتر ست شخصيات بتحبهم؟

بصراحه والله ومش بكذب
1- أمي ربنا يديها الصحه
2-أبويا ربنا يخليهولي
3-أختي الكبيره ربنا يرزقها الزوج الصالح
4-أخويا أحمد
5-أخويا محمد
6-أخويا عبد الرحمن ومصطفي الصغيرين
.....وبصراحه كده هم كده سته بس انا لازم أقول إني بحب الأستاذ وليد الرفشي جدا جدا جدا


أنت سعيد؟

الحمد لله ..صحيح في شويه مشاكل ..وشويه أحلا م..بس الحمد لله علي نعمه الإسلام وكفي بها نعمه .. ..والحمد لله علي نعمه الإخوان وما أجملها نعمة..والحمد لله علي كده.وانا سعيد باللي ربنا إدهولي


لو أجتمعت أنت وحسنى مبارك فى غرفة واحدة هتقوله ايه؟

بصراحه كده أنا نفسي أخليه يديني ظهره وأرزعه أفه يرن يسمع مصر كلها

لو معاك مليون ونص هتعمل بيهم ايه؟
حتجوز بيهم في الوقت الحالي ..عشان مضمنشي أعمل مشروع ويصادروا أموالي قبل ما أتجوز.

بتحب مصر؟

ولله الحمد عندي شعور إن مفيش حد بيحبها أكتر مني ..بس أكيد فيه وإلا مكنش ده بقي حالي

بتحب البنات؟
أيوه طبعا.. أوعوا حد يفهمني غلط...ماهو بردوا أمي منهم وأختي اللي بموووت فيها والسيده خديجه وأمهات المؤمنين...طيب بالله عليكو حد سمع قبل كده عن بهبهات المؤمنين...ولا ايه رأيكو
وبعدين من الاخر كده محدش فينا يقدر يعيش من غيرهم ...ولا ايه يا رجاله؟؟؟؟

ليه؟
أظن الإجابه الأولي وضحت الإجابه التانيه

أيه اكتر موقف محرج أتعرضت ليه؟
بصراحه لما جتلي واحده في الجامعه وقالتلي إنها بتحبني..أوعوا حد يفهمني غلط

اتصرفت ازاى؟
بصراحه كنت في نص هدومي وخصوصا إن انا كليتي في الصعيد في قنا ومكنتش فاكر إن ممكن تحصل حاجه زي دي ..المهم عملت إن في واحد بينده عليا وونا ماشي قلتلها ميصحش كدهومعلشي أصل في واحد بينده عليا
أيه الامنية اللى بتدعى ربنا انه يحققها ليك؟
بصراحه نفسي في حاجات كتييير
1-نفسي أفتح إيطاليا أو علي الأقل يكون ليه دور
2-نفسي أتجوز واحده ملتزمه أمي تكون بتحبها وهي بتحب أمي
3-نفسي أجوز أختي جوازه محصلتشي فيكي يا إسكندرية
شكرا علي التاج الجميل ده وعلي العموم أنا محبتشي أهزر كتير في التاج ده وخصوصا إني أيام إمتحانات ومزاجي مش عالي وياريت يا اخونا تدعولي بقلبكو مش بكرشكو أصدي لسانكو بس يعني
ودلوقتي أمرر التاج وفووووووووووووووووووووووووووووو
الأخ محمد العناني
الأخ جمعاوي روش طحن
مدونه كيفي كده
الأخ زياد الفاتح
مدونه مش حاسكت
الأخ ميت
عاشقه الوطن
إمرأه تقول الذي لا يقال

22 comments:

عاشقة الوطن said...

السلام عليكم
ازيك ياياسر

التاج علينا حق وبما انك مررتلى التاج فان شاء الله هاجاوبه انت وأمانى بنت الجنوب مررته ليا التاج وان شاء الله هاجاوبه بس بعد موسم الانتخابات قصدى الامتحانات

ماعلينا وشكرا جزيلا على زيارتك مدونتى نورتها ياعم ياسر

يالا مش عاوز حاجة

آآآه متنساش تسلميلى على اسكندرية احسن انا بمووت فيها

يالا سلاااااام

ياسر مدني ...دينامو الإخوان said...

وأنا بموت في كل اللي بيحبوا اسكندرية وجزاك الله خيرا علي الإهتمام ويا ريت تنورينا تاني كده في المدونه المتواضعه
ومستني ردك علي التاج

محمد السيد..مش حاسكت said...

ماشي ياعم الحاج ...

وفي لحظة استثنائية ... في مشهد لن يتكرر إلا في ظروف خاصة ...

في ساعة وقفت فيها الدنيا كلها ....

حأرد علي التاج يا سيدي ...
علي فكرة ده مش بالساهل ... أنا اساسا مش بأرد علي الناس اللي بتدخل عندي ....
فما بالك أرد علي تاج في حتة تانية ...

ابقي تعالي زورنا يا ..... ولا بلاش ...

سلام يا ياسوووووووووووور

Anonymous said...

شكرا يا سيدى على التاج
وانا رديت عليه ولا تزعل
واجدع ناس ناس اسكندريه
يلام بقى الى قنا واهل قنا كلهم
ايه رايك بقى فى قنا
شد حيلك ودعواتك

Alaa said...

أول زيارة للمدونة
لن تكون الأخيرة طبعا لأن المدونة رائعة
ربنا يباركلك و يحفظك و يثبتك و يزوجك و يدخلك الجنة
قول آمين

أمــانــى said...

ازيك
مالهم يابنى الصعايدة هههههههه
اصل ده يا اخى العزيز بركات الاعلام التنوير والتحرر وشو تانىىىىىىىىىىى
واسوان هتنور بيك اكيد وباهل اسكندرية كلهم
سلام

ياسر مدني ...دينامو الإخوان said...

الأخ محمد السيد
جزاك الله خيرا انك عبرتني ورديت ..أنا عارف انك عملتلي قيمه..معلش بقي أضيها جمايل


الأخ أبو زياد الفاتح
أنا مقدرشي أزعل منك حتي لو مردتشي..وعلي العموم أحلي حاجه في قنا إنك فيها يا سيدي

الأخت أماني شكرا علي المجامله اللطيفه دي وعلي العموم أسوان منوره بالناس اللي زيك

أمــانــى said...

هتزيدها نور يا اخ ياسر
وربنا يوفقك يااااااااارب آمــــــــــين وينجحك وتطلع كده من الاوائل على الدفعــــة ياااااااااااارب آمـــــــــــين

ibn nasser - ابن ناصر said...

والله شخصيه طيبه ورائعه
تحياتي

مشروع انسان said...

شكرا يا استاذ على اجابة التااااااج
جزيت خيرا
بس حلوة اجابتك على انت مين
وايه حكاية مبارك معاك عملك ايه بس مش اد ابوك ده عييييييييب
ادعيلى معاك

منة الله said...

ياسر

ادعوك للمشاركة في استطلاع راي

عن اكثر عشرة مدونات تاثيرا في قرائها

عل مدونتك واحدة منهم

اليك الرابط

http://www.6ef.blogspot.com/

ياسر مدني ...دينامو الإخوان said...

إبن ناصر
هومين اللي شخصيه طيبه ورائعه أنا ولا الشاعر
بس أنا شايف انك انت اللي شخصيه جميله ورائعه

المدون إمام الجيل انا بصراحه إدايقت جدا بعد الإجابه بتاعت أنت ميييييييين وربنا يسامحك

ألأخت منه الله شكرا لدعوتك وأوعدك بالتصويت

صاحب البوابــة said...

السلام عليكم

اشكر كل من تساءل عن غيابي

ووقف بجانبي في محنتي

تحياتي لكل شريف حر

محمد عـنـانـى said...

انت اخبارك ايه يا مدنى
انا بدعيلك انت بتدعيلى ولا لا
واخبار الناس كلها ايه
اولا
جزاك الله خير على التاج وانا شاء الله هرد عليه
تحياتى

اسلام رفاعى said...

ياسر جزاكم الله خيرا على زيارة المدونة واحب اقوللك انا من منطقة ابوسليمان فى الاسكندرية وأظن انى محمد مدنى يعرفنى وانا مستعد أقابل حضرتك فى أى وقت تحدده رأسلنى على
islam.refay@gmail.com

مهندس زراعي said...

بجد صراحه رائعه

تحياتي القلبيه لك

الملتقى said...

السلام عليكم
ندعوكم للمشاركة معنا فى مدونة الملتقى
ملتقى المدونين
ونريد منكم امشاركات الطيبة التى تفيد الجميع
جعلة الله فى ميزان حسناتكم
تسعدنا زيارتكم

mo'men mohamed said...

ربنا يكرمك أخى ويثبتك و يرزقك ببنت الحلال
جزاك الله كل خير على اجاباتك الجميله
السلام عليكم

Unknown said...

يأستاذ ياسر ملكش أي حجة أنت خلاص خلصت نشوفك بقه علي خير في المدونة مستنيينك

Anonymous said...

بصراحه كلامك جميل ياياسر وأتمنى من الله سبحانه وتعالى أن يحقق أحلامك وتطلعاتك بإذن الله
وجزاك لله خيرا

ياسر مدني ...دينامو الإخوان said...

شكرا لكل زواري وكان نفسي يسألوا عليه في غيابي بس الحمد لله أنا رجعت وأكيد كلكه كنتم مشغوليين

طالب اخوانى said...

كلام جميل وإن شاء الله تحقق كل اللى بتحلم بيه ..

ذكريات فى جامعة المنصورة