بـــــــــــــــــــــــخ ...إحم إحم ..دستــــــــــــــــــور...ده انا الدستور

لا مؤاخذه يا جماعه أصل الواحد لازم بردوا يحترم نفسه شويه يقول احم .يكح يعمل اي منظر كده قبل ما يخش في الموضوع ...المهم بعد الكح والسلام حنخش علي طول في الموضوع...؟؟؟!!؟؟!!؟

الموضوع يا سيدي هو الدستور اللي غيروا علي سهوه ..عارفين فيلم (اللي بالي بالك ) لما عملولي العمليه وقام الصبح لقي نفسه واحد تاني .

طيب بلاش عارفين لما راح المستشفي وقال للدكتوره انا حأور دماغك وححشيها كبده بالسلطه تقومي الصبح تلاقي نفسك بنت خالتك..

وواضح كده إن النظام واخد من الفيلم قدوه ومن اليمبي مثال ..وسمعنا الكلام ده قبل كده ..ودلوقتي بنقول للناس كلها اي حد يحس بدسور في دماغه لازم يروح لدكتور الحزب الواطي بعدين يقوم الصبح يلاقي نفسه بنت خالته.؟

يا جماعه احنا لازم نفهم الدستور صح... الدستور كده وبالمختصر المفيد الكلمه اللي بنقولها لما نخش علي الشعوب ونقتحم حرماته ( احم احم ..دستور يا جماعه ..حنغير الدستور) والعجيب في الموضوع إن الريس بيقول ان احنا عدلن الدستور علي واسع لاننا قد نحتاج في المدي القصير أو البعيد تعديله...ونقوله صح بأماره الماده 76 اللي مبقلهاش سنتين ولسه متفطمتشي..؟

واضح يا جماعه ان احنا دخلنا في مرحله عبث دستوري كل يومين نلعب شويه بالدستوربل سرقه الدستور بل نهب الدستور بل نهب حقوق الانسان وحريه المواطن ياجماعه احنا لازم نتحرك قبل فوات الاوان وإلا حالنا حيبقي زيه زي الدستور

ودستــــــــــــــــــــــــــــــور يــــــا شعــــــــــــــــــــــــــــــــــــب

تمام يا باشا حتي بتوع الابتدائي تحت السيطره

- في مدرس يدرس في المرحلة الابتدائية سأل أحد الطلاب

طير بيتكلم وأول حرف منه الباء ؟
فرد عليه الطالب وبسرعه : الببغاء

فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور

فقال المدرس : شايفين ولاد الدكاتره ؟

راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس

فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح

فيقول المدرس : شايفين الغبي دة
اسمك أية ياغبي؟
ردالطالب : خلف

أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى

مهو لو ما طار التمساح كان الاستاذ طار

تفتكروا هم بيعملو معانا كده ليه!!!؟؟؟

سؤال وجيه؟؟هم بيعملو معانا كده ليه؟؟؟؟ممممممممم
بصراحه انا مش عارف اوي بردوا هم بيعملوا معانا كده ليه ..وبصراحه بردو الموضوع ده محيرني أوي هم يمكن بيعملو كده عشان مصلحه الوطن علي اساس إن احنا خطر علي الأمن القومي .طيب وحدوه يا جماعه وقولو لا إله إلا الله..طيب هو بردوا الامن القومي ميعرفناش ولا ايه ده الامن من ايام الامام الشهيد حسن البنا وهو مصاحبنا نقوم علي الامن وننام عليه ده هو حتي ميعرفش يعيش من غير اتنين الاخوان والريس ولو مفيش ريس مش حيلاقي حته يقف فيها ولو مفيش إخوان مش حيلاقي حته يضرب فيها..لكن الصراحه والشهاده لله أنا شخصيا وأعتقد إن احنا كلنا بنحس بالامن في حياتنا كلها نفتح صفحه الحوادث نحس بالامن والامان ونفتح صفحه السياسه نحس بالامن والرخاء وفي كل لحظه وفي كل ساعه وفي كل حاره وفي كل شارع بنحس بيها ..((بلد الامن المركزي)) ..؟

طيب لما احنا والامن صحاب كده وهو ميقدرش يعيش من غيرنا. يبقي ليه السؤال هم ليه بيعملو معانا كده؟؟؟
طيب يمكن حاجه تانيه أصل احنا بنخبط في الحكومه وخلاص وبنعارض كل حاجه من أجل المعارضه فقط لا غير ..ممممممم
ممكن بردو..لكن ليه ده الاستاذ محمد مهدي عاكف رفض الهتافات التي تناشد بإسقاط الرئيس محمد حسني مبارك وقال إن احنا نرفض النظام فقط ولا نرفض الرئيس بزاته .. ومن الحاجات اللي علمهلنا الإمام البناإننا يجب الا نجرح في الاشخاص أو الهيئات مهما يكن ...لا لا لا لا أكيد في حاجه تانيه؟؟؟؟؟؟؟؟
الحقيقه إن انا للأسف ملقتشي غير إجابه واحده وهي إنها حرب علي الاسلام والدليل التعديلات الدستوره التي تمنع تكوين الاحزاب علي أساس دين بالرغم إن فيه منه في ايطاليا والمانيا وامريكا ولكن نقول لهم
((((ودع أذاهم وقل موتوا بغيظكمو فالغرب مولاكمو والله مولانا)))
وأقول لهم إسجنونا إعتقلونا صادروا اموالنا فنحن نبغيها لوجه الله لا لوجه أمريكا
ونقول لهم لو كنتم وطنيين فانتو بعتوا الوطن عشان خاطر مصالحكم وبعتوا الوطنيين كمان وبعتوا الاصلاح وبعتوا كل حاجه واحنا اشترينا الاخره وحنفضل نشيرها لاخر قطره ونقول كمان(((ملعون في كل كتاب يا عار الخيانة اللعنة و النار ع اللي خانوا الأمانة عاشوا على موتنا .. و موتهم حيانا عليهم اللعنة في ترابنا و سمانا )))
أنا اسف يا شباب علي الدراما بس احنا اكيد مش حنفضل نضحك علي طول وربنا يستر ومطلعش علي السجن بعد البوست ده